ହସିବାକୁ ଜାଗା ରଖିବା
ହସିବାକୁ ଜାଗା ରଖିବା
ଯେମିତି ହେଲେ ବି ଘରର କଣରେ
ହସିବାକୁ ଜାଗା ରଖିବା
ଘର ଅଗଣାରେ ସୁରୁଜ କିରଣ
ଆସିବାକୁ ଜାଗା ରଖିବା ।
ଛାତ ଉପରେ ଚଢି ଅନ୍ଧାର ରାତିରେ
ଗୋଟି ଗୋଟି ତାରା ଗଣିବା
ଚାନ୍ଦିନୀ ରାତିରେ କେବେବି ଖୁସିରେ
ଚାନ୍ଦ ଛୁଇଁ ବାକୁ ଦେଖିବା ।
ବରଷା ପାଣିରେ ଭିଜି ଭିଜି କେବେ
ଡ଼ଙ୍ଗା ପଛେ ପଛେ ଧାଇଁବା
ଭଲ ପାଗ ଥିଲେ ସାଙ୍ଗଙ୍କ ସାଥିରେ
ମିଶିକି ଗୁଡ଼ି ଉଡାଇବା ।
ଘରର ଆଗରେ ଗଛଟେ ରଖିବା
ଚଢେଇ ବସିବା ପାଇଁ
ତାଙ୍କ ଗୀତ ଶୁଣି ତାଙ୍କରି ସାଥିରେ
ହସିକି ଗାଇବା ପାଇଁ ।
ଖୁସି ଖୁସି ମାନେ ରହିବ ଶିଖିବା
ଦୁଃଖକୁ ଦୁରକୁ ଠେଲି
ଘର ଅଗଣାରେ ସାଙ୍ଗଙ୍କ ସାଥିରେ
ନାଚିକି ଖେଳିବା ହୋଲି ।
ଜୀବନ ବାଟରେ ସବୁ ବୟସରେ
ମଜାରେ ହସିବା ଶିଖିବା
ସମୟ ବାଟରେ ସମୟ ତ ଯିବ
ଖୁସିରେ ନାଚିବା ଶିଖିବା ।