କଥା ଦେ
କଥା ଦେ
ମୁଠାଏ ଅବିର ଆଣିଥିଲି
ତୋ ନାଲି ହୃଦୟରେ ବୋଳି
ଚିରକାଳ ସବୁଜ ରଖିବାକୁ ....
ଜାଣିଛି ତୁ ଭାରୀ ପ୍ରେମୀ
କେଜାଣେ କେବେ ବାଟ ହୁଡିଯିବୁ
ସତମିଛର ଛାଇ ଖେଳରେ
ମୋତେ ବି ହଜେଇ ଦେବୁ ...
ଏମିତି କେତେ ରଂଗ ଆସିବ
କେତେ ହୋଲି ବି ଆସିବ
ନାଲି,ନେଳି,ହଳଦିଆ ରଂଗ
ତୋ ଦେହରେ ବାଜିବ ...
କିନ୍ତୁ ମନେ ରଖିବୁ
ତୋ ହୃଦୟକୁ ସଦାବେଳେ
ସବୁଜ କରି ରଖିବାରେ
ମୁଁ ରଂଗ ବୋଳିଛି ....
ଗଛପତ୍ରରେ ଶାଗୁଆ
ରଂଗ ବି ଭରିଛି
ଯେବେ ବି ଦେଖିବୁ
ନିଜକୁ ପ୍ରେମୀ ବନେଇବୁ
ପ୍ରେମରେ ମାତିବୁ ...
କଥା ଦେ..ଜୀବନ ତମାମ
ତୁ ଗୋଟିଏ ପୋଖତ
ପ୍ରେମୀ ହୋଇ ଜିଇଁବୁ
ଗୋଟିଏ ଅପ୍ରେମ ଦୁନିଆରେ....