ବିଘ୍ନ ବିନାଶକ....
ବିଘ୍ନ ବିନାଶକ....
1 min
1.1K
ଅଜ୍ଞାନ ନାଶକ ଜ୍ଞାନ ପ୍ରଦାୟକ,
ତୁମେ ବିଘ୍ନ ବିନାଶକ l
ତମସା ବିନାଶି ଆଲୋକ ପ୍ରକାଶି,
ରକ୍ଷା କର ବିନାୟକ ।।
ଶମ୍ଭୁ ତୁମ୍ଭ ପିତା କାର୍ତ୍ତିକେୟ ଭ୍ରାତା,
କୈଳାସ ତୁମ ନିବାସ l
ମୂଷିକର ପୃଷ୍ଠେ ତୁମେ ଉପବିଷ୍ଟ
ଶଙ୍କର ସୁତ ଗଣେଶ ।।
ଜୀଵ ଦୁଃଖହାରୀ,ପ୍ରାଣୀ ସୁଖକାରୀ,
ତୁମେ ପାର୍ବତୀ ତନୟ।।
ଜ୍ଞାନ ,ବୁଦ୍ଧି, ବଳେ ଏହି ମହୀ ତଳେ,
ତୁମ୍ଭ ସରି କିଏ କୁହ ?
ପାପସଂହାରକ ଓ ସମୃଦ୍ଧିଦାୟକ,
ତୁମ୍ଭେ ପ୍ରଭୁ ଗଜାନନ l
ଏ ମହୀମଣ୍ଡଳେ ଆଦ୍ୟେ ପୂଜା ପାଇଁ
କରୁଛୁ ତୁମ୍ଭେ ଆହ୍ୱାନ ।।
ପାପ କଳୁଷର ଅସହ୍ୟ ଭାରରେ ,
ମହୀ ଆଜି ରସାତଳ l
ଏତିକି ମାଗୁଣି କରୁଛି ବାହୁନି
ଜଗତକୁ ରକ୍ଷା କର ।।