ଧରଣୀ ପେନୁ

ଏଠି

ଉଗ୍ର ଆଧୁନିକ

ଶ୍ରେଷ୍ଠ ବୈଜ୍ଞାନିକ

ଦେବତାକୁ କିବା ମାନୁଛି ?

ଦେଖ

ସରଳ ବିଶ୍ଵାସୀ ପ୍ରିୟ ଆଦିବାସୀ

ଧରଣୀ ପେଇନୁକୁ ପୂଜୁଛି।

ଧରଣୀ ପେନୁ-ମାଟି ଦେବତା

ଆଦିବାସୀ ସିନା ବୁଝିଛି,

ଏହି ମହାନତା ଆଉ କେ ବୁଝିଛି ?

ଆଧୁନିକ ଏଠି ହସୁଛି ।

ସୃଷ୍ଟିର ସ୍ଥଳ ଜୀବ-ଜଗତର

ମାତୃ ଭୂମିକୁ ସେ ଚିହ୍ନିଛି,

ଧରଣୀ ପେନୁର ସନ୍ତାନ ବୋଲାଇ ନିଜ ପରିଚୟ ଦେଉଛି।

ମହାନୁଭବି ସେ ମହାନ ଜାତିର

ମହାଶିକ୍ଷା ଦେଉଅଛି,

ସେହି ଜାତି ସାଥେ ଧରଣୀ ପେନୁକୁ ଅଧମ ପ୍ରଣାମ କରୁଛି ।

ସଂଜୟ କୁମାର ଦୀପ