ଆଦର୍ଶ
ଆଦର୍ଶ
ଭଲକାମ ଯଦି କରୁଥିବ ତୁମେ
ତୁମକୁ ଆଦର୍ଶ ମଣିବେ
ଅବାଟରେ ଯଦି ଯାଉଥିବ ତୁମେ
ଘୃଣା ଯେ ସମସ୍ତେ କରିବେ ।
ଏମିତି ଅନେକ ମଣିଷ ଅଛନ୍ତି
ନିଜକୁ ବଢ଼େଇ କହିବେ
ବଡ଼ ଯିଏ ସିଏ କହିବା ଆଗରୁ
ସଭିଙ୍କ ହୃଦୟେ ରହିବେ ।
ଦେଖେଇ ହେବାକୁ ଏହି ଦୁନିଆଁରେ
ଅନେକ ମଣିଷ ଅଛନ୍ତି
ପ୍ରକୃତରେ ସେବା କରୁଥାନ୍ତି ଯିଏ
ସଭିଙ୍କ ହୃଦୟେ ବସନ୍ତି ।
ନିଜ ଦୋଷ ଏଠି ଲୁଚାଇବା ପାଇଁ
ଅବାଟରେ କେତେ ଯାଆନ୍ତି
ହେଲେ ସେହି ଲୋକ ଅଟନ୍ତି ମହତ
ଦୋଷ ଯେ ସ୍ୱୀକାର କରନ୍ତି ।
ଅନ୍ୟକୁ ସାହାଯ୍ୟ କରିଥାନ୍ତି ଯିଏ
ବହୁତ ଉନ୍ନତି କରନ୍ତି
ଅନ୍ୟପାଇଁ ଗାତ ଖୋଳୁଥାନ୍ତି ଯିଏ
ନିଜେତ ଗାତରେ ପଡନ୍ତି ।
ଅନ୍ୟକୁ ପ୍ରେରଣା ଦେଉଥିବା ଲୋକ
ସୁଖ ଓ ଶାନ୍ତିରେ ରୁହନ୍ତି
ଦୁଃଖ ଦୁର୍ଦ୍ଧସାରେ ଦିନ କାଟୁଥାନ୍ତି
ଅନ୍ୟର ଗୋଡ଼ ଯେ ଟାଣନ୍ତି ।
ଅନ୍ୟର ଖୁସିରେ ଖୁସି ହୋଇବାଟା
ସବୁଠାରୁ ଭଲ ଲକ୍ଷଣ
ଭଲ ଲୋକ ସିଏ କରିପାରେ ଯିଏ
ଅନ୍ୟର ଦୁଃଖକୁ ଭକ୍ଷଣ ।
କାହା ବିପଦରେ ଠିଆ ହେବ ଯଦି
ତୁମେ ସାହା ଭରଷା ହୋଇ
ତୁମକୁ ଦିବସେ ଅନେକ ସମ୍ମାନ
ରହିଥିବ ଅମର ହୋଇ ।
ପ୍ରଶାନ୍ତ କୁମାର ନାଥ
ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁର ।