Audio

Forum

Read

Contests

Language


Write

Sign in
Wohoo!,
Dear user,
ବାଟୋଇ ଭାଇ ଓ ଗଛ ଛାଇ
ବାଟୋଇ ଭାଇ ଓ ଗଛ ଛାଇ
★★★★★

© Prasant Kumar Nath

Inspirational

1 Minutes   6.7K    3


Content Ranking


ବାଟୋଇ ଭାଇଟେ ଯାଉଥିଲା ଦିନେ

ହେଉଥିଲା ଭାରି ଖରା

ଝାଳରେ ଦେହଟା ଭିଜି ସାରିଥିଲା

ତାତିଥିଲା ପୁରା ଧରା ।

ଦେହ ଝିମି ଝିମି ହୋଇଗଲା ଯେବେ

ଖୋଜିଲା ଗଛର ଛାଇ

ରାସ୍ତା କଡ଼ ଗଛ କଟା ହୋଇଥିଲା

କଂକ୍ରିଟ ସଡକ ପାଇଁ ।

ଛାଇ ଟିକେ ପାଇଁ ଡହଳ ବିକଳ

ଦେହରେ ନଥିଲା ବଳ

ପାଟି ହେଉଥିଲା ଅଠା ଅଠା ଆଉ

ଦେହ ଚାହୁଁଥିଲା ଜଳ ।

ଦୂରରୁ ଦେଖିଲା ବରଗଛ ଗୋଟେ

ରହିଛି ଯେ ଠିଆ ହୋଇ

ବଟୋଇର ମନ ହୋଇଗଲା ଖୁସି

ଦେଖି ସେ ଗଛର ଛାଇ ।

ଧାଇଁ ଗଲା ସେହି ଗଛର ପାଖକୁ

ବୃଦ୍ଧା ଜଣେ ବସିଥିଲା

ପାଣି ଟୋପେ କାଢି ବଟୋଇକୁ ଦେଲା

ଶୋଷ ତାର ମେଣ୍ଟି ଗଲା।

କହିଲା ବାବୁରେ ରାସ୍ତା କାଡେ ଆଉ

ଗଛ ଜମା ଦିଶୁ ନାହିଁ

ଶୁଣିଲି କାଳେ ମୁ ଡାକରା ଆସିଛି

ଏଗଛ କଟିବା ପାଇଁ ।

ଏହି ପରା ଅଟେ ଘର ଦ୍ୱାର ମୋର

ଏଇଠି ନିତି ମୁ ରୁହେ

ତୋପରି ଅନେଇ ବାଟୋଇ ଏଉଠୁ

ଥକ୍କା ତାର ମାରି ଯାଏ ।

ଜାଣି ନାହିଁ ମୁହିଁ କେତେ ଦିନ ଆଉ

ଏଗଛ ଆୟୁଷ ଅଛି

ଛାଇର ବିହୁନେ ଅବା କେତେଙ୍କର

ଅଂଶୁଘାତ ଘଟୁ ଅଛି ।


ପ୍ରଶାନ୍ତ କୁମାର ନାଥ

ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁର ।

ମୋ-୮୩୧୦୩୨୮୩୪୫

ରାସ୍ତା ବାଟୋଇ ଭାଇ କଂକ୍ରିଟ

Rate the content


Originality
Flow
Language
Cover design

Comments

Post


Some text some message..