ଲକ୍ଷ୍ୟ ଓ ସାଧନା

ସଭିଙ୍କ ଜୀବନେ ଲକ୍ଷ୍ୟ କିଛି ଥାଏ

ହାସଲ କରିବା ପାଇଁ

ସାଧନା ନିହାତି ଲୋଡ଼ା ପଡିଥାଏ

ସେଠି ପହଞ୍ଚିବା ପାଇଁ ।

ହାରିଗଲା ପରେ ଭାଙ୍ଗି ପଡନାହିଁ

ଜାରି ରଖିଥିବ ଚେଷ୍ଟା

ସବୁ ଚେଷ୍ଟା ଦିନେ ସଫଳ ହୋଇବ

ରହିଥିବ ଯଦି ନିଷ୍ଠା ।

ହାରିବାଟା ପରା ବାଟ ଖୋଲିଦିଏ

ଆଗକୁ ବଢିବା ପାଇଁ

ନିଜର ଭୁଲକୁ ନିଜେ ପାଇଗଲେ

ଆଉ କିଛି ଲୋଡ଼ା ନାହିଁ ।

ଥରକରେ କେହି ପହଞ୍ଚି ପାରେନା

ସଫଳତାର ଶୀର୍ଷରେ

ସଫଳତା ପରେ ମିଳିଥାଏ ଏଠି

ସାଧନା ଆଉ ଚେଷ୍ଟାରେ ।

ନିଜର ଲକ୍ଷ୍ୟକୁ ମାରିଦିଅ ନାହିଁ

କେବେ ନିଜର ଭିତରେ

ଭୁଲକୁ ସୁଧାରି ଚେଷ୍ଟା ଜାରି ରଖ

ରହିବ ତୁମେ ଶୀର୍ଷରେ ।