ତମେ ଆସିବ ବୋଲି

ତମେ ଆସିବ ବୋଲି

ପ୍ରେମୠତୁ ମୁରୁକି ହସୁଛି 

ଗୋଲାପୀ ଦିନଗୁଡା ମହମହ ବାସୁଛି

ମୋ ଅସଜଡା ଜୀବନର ଅରମା ବଗିଚାରେ   

ପ୍ରେମର ଅନାବନା ଗଛସବୁ ଗଜୁରି ଉଠୁଛି

ଦୁହେଁ ଦୁହିଁଙ୍କ ପାଇଁ ଭିତରେ

ଜୀବନ ଲାଗୁଛି ନିଆରା ନିଆରା

ଫଗୁଣରୁ ଝରୁଛି ମୁଠା ମୁଠା ଫଗୁ

କୋଇଲିର ପଂଚମ ତାନରେ 

ଝୁମି ଝୁମି ନାଚୁଛି ପ୍ରକୃତି 

ସାଜିଛି ସେ ନବବଧୂ ବେଶ

ନାଲି ନେଳି ଫୁଲ ଓଢଣୀରେ ।।

ତମେ ଆସିବ ବୋଲି

ଲୁହଭିଜା ଆଖି ମୋର ଚାତକେ ଚାହଁଛି

ମୁକ୍ତାହୋଇ ଟପ୍ ଟପ୍ ନିଗିଡି ପଡୁଛି 

ଏଣେ ତେଣେ ଚଉଦିଗ 

ନୀଳ ନୀଳ ଛାଇ ତମ

ଆବୃତ କରୁଛି ମୋତେ 

ସୂର୍ଯ୍ୟୋଦୟ ରୁ ସୂର୍ଯ୍ୟାସ୍ତ ପର୍ଯ୍ୟନ୍ତ 

ଆହୁରି ସକ୍ରିୟ ହେଉଛି 

ରାତିର ଗାଢ ଅନ୍ଧକାରେ 

ତମ ପ୍ରୀତିର ଖୋଲା ପରିଧିରେ

ବିନ୍ଦୁଟିଏ ହୋଇ ଉବୁଟୁବୁ ଯାହା ମୁଁ ହେଉଛି ।।