Audio

Forum

Read

Contests

Language


Write

Sign in
Wohoo!,
Dear user,
ଅଦିନ ମେଘ
ଅଦିନ ମେଘ
★★★★★

© Ajaya Mahala

Others

1 Minutes   13.3K    1


Content Ranking

ଅଦିନ ମେଘ


ବର୍ଷା ଆସିଛି
ମନର ମଟାଳ ମାଟିରେ
ଓସରେଇ ଆସୁଥିବା ଫାଟର ବାମ୍ଫରୁ
ଆହୁରି ଆହୁରି ଦୂରେଇ ଯାଉଥିବା
ଚେନା ଚେନା ବାଦଲ ଭିତରୁ
କେଉଁଠୁଁ ଲମ୍ପ ମାରି
ଅଯାଚିତ ଭାବରେ
ଅତର୍କିତ

ଅପୂର୍ଣ୍ଣତାର ଆଉ ଏକ ଶ୍ରାବଣ ଏ
ଜାଣି ହେଲାନି କେବେ ଉଙ୍କି ମାରିଲା
ଯେମିତି ପାଚିଲା ବାଳଟି ହୋଇ
ଆସିଛି ମନେ ପକାଇ ଦେବାକୁ
ବହି ଯାଉଥିବା ସମୟକୁ

କି ଅଶୁଭ ପ୍ରୟାସ ଏ ମେଘର
ମନ ସହ
ଯେମିତି ହୋଲି ରଙ୍ଗ ବଳପୂର୍ବକ ବୋଳିବାକୁ ଆସିଛି
ବିଧବା ଦେହରେ

କି ରୋମାଞ୍ଚ ବଞ୍ଚିଛି
ଏ ଅଦିନ ମେଘର ଆସିବାରେ,
ସବୁ ଆଶାବନ୍ଧ ଭାଙ୍ଗିଯିବା ପରେ ?
ଘୃଣା ଲାଗୁନି ତା ସ୍ପନ୍ଦନହୀନ କୃତ୍ରିମ ହସ ?
ଯା ଲାଗି ପବିତ୍ରତା ବିନା କାରଣରେ
ନାମ ନେଲା ଅଶ୍ଲୀଳତାର – ନିର୍ଲଜ୍ଜପଣିଆର
କି ଲାଭ ଏବେ
ସ୍ଵାଭାବିକତା ହରାଇ ବସିଥିବା
ଆବେଗହୀନ ଏ ଚୁମ୍ବନରେ ?

ବର୍ଷା ଆଜି ଆସିନି
ପହିଲି ଆଷାଢ଼ର ପ୍ରେମ ସଂଜୀବନୀ ହୋଇ
ଆସିଛି ସେ ଦେହଯଜ୍ଞର କ୍ଷୀଣ ହୋମଶିଖାକୁ
ଶାନ୍ତିଜଳ ସିଞ୍ଚିବାକୁ
ଆଉ ମଲା ସ୍ଵପ୍ନମାନଙ୍କର
ଖୋଲିହୋଇ ରହିଯାଇଥିବା ଆଖିପତା ଗୁଡିକୁ
ଅଂଗୁଳିରେ ଲେଉଟାଇ
ବନ୍ଦ କରିଦେବାକୁ

 

ଭଲପାଇବା ବିଛେଦ ଦୁଃଖ ବିଷାଦ

Rate the content


Originality
Flow
Language
Cover design

Comments

Post


Some text some message..