ବେସୁରା ଗୀତି-୭୦୭
ବେସୁରା ଗୀତି-୭୦୭
1 min
6.7K
ବର୍ଷା ଗୋ ତୁମେ ଖିଆଲି ମନର
ଅଜବ ଖିଆଲଟିଏ
ତୁମ ଆଗମନ ହୃଦୟ ତନ୍ତ୍ରୀରେ
ନୂତନ ସ୍ଵରଟେ ଦିଏ ॥
ନିଦାଘର ସିଝା ଟାଙ୍ଗରା ଭୂଇଁଟା
ତୁମରି ପରଶ ପାଇ
ସଜେଇ ହୁଅଇ ସବୁଜ ଶାଢୀରେ
ଜୀବନର ଗୀତ ଗାଇ ॥
ତୁମରି ପାଦର ରୁଣୁ ଝୁଣୁ ସ୍ଵର
କାନରେ ବାଜିଲେ କାର
ଶୀହରିତ ହୁଏ ତନୁ ମନ ସବୁ
ତୁମେ ହୁଅ ଆପଣାର ॥
କୃଷ୍ଣଚୂଡାର ନାଲି ନାଲି ଓଠ
ଫିକା ଫିକା ଦିଶିଲାଣି
ପ୍ରୀତି ପିୟାସୀ ପ୍ରେମିକ ପ୍ରାଣରେ
ଶୀହରଣ ଖେଳିଲାଣି ॥
ବର୍ଷା ଗୋ ତୁମ ଶୀତଳ ପରଶେ
ଶୀତଳ କର ତା ପ୍ରାଣ
ହଜିଯାଉ ସବୁ ଯାତନା କଷଣ
ଭିଜି ଯାଉ ଯଉବନ ॥