ପ୍ରେମ ହାଇକୁ

#ଦୁର୍ଘଟଣା 

ବାରବାର ଦେଖିବାକୁ ଇଛାହେବାରୁ

ମନ ଶରୀରକୁ ଟାଣିନେଲା;

ବାରବାର ଦେଖାହେଲା ପରେ

ପ୍ରେମନାମକ ଦୁର୍ଘଟଣା ହେଲା!!

#ମିଛ

ମୁଁ କହିଲି ମିଛ

ସିଏ ବି କହିଲା ମିଛ;

ମିଛିମିଛିକା ସମ୍ପର୍କର ପାଣିରେ

ଖେଳିଲା ପ୍ରେମର ମାଛ!

#ପାଗଳ

ଦିହେଁ ଦିହିଁକି ନଦେଖିଲେ

ପାଗଳ ହୋଇଯାଉଥିଲୁ;

ମନ ନୁହେଁ ଦିହିଁଙ୍କର

ଦେହକୁ ଚାହୁଁଥିଲୁ!

#ଦୋଷ

ଆମର ନୁହେଁ

ଏହା ଈଶ୍ୱରଙ୍କର ଦୋଷ;

ସିଏ ଦେଇଥିବା ପ୍ରେମ

ଆମ ହୃଦୟରୁ ହେଲା ଶେଷ!

#ବାହନ

ବର୍ଷବର୍ଷର ସମ୍ପର୍କ ପରେ

ମୋ ସହିତ ଯେଉଁ ଦିନ ବିଛେଦ ହେଲା,

ପ୍ରେମିକା ଠିକ୍ ତା ପରଦିନ

ବାଧ୍ୟହୋଇ ସ୍କୁଟିଟେ କିଣିଲା!

#ନିରସ

ମୁଁ ଗୋଟେ ନିହାତି ନିରସ ଲୋକ

ଦେଇଚି ନିଜକୁ ଧୋକା;

ପ୍ରେମିକାକୁ ପତ୍ନୀ କରିପାରଲିନି କି 

କରିପାରିଲିନି ପତ୍ନୀକୁ ପ୍ରେମିକା!

#ଘରଣୀ

ଯିଏ ପଡୋଶୀ ପୁରୁଷ ସହ ଗପେ

ସିଏ ପ୍ରେମିକା,

ଯିଏ ପଡୋଶୀ ମହିଳା ସହ ଗପେ

ସିଏ ଘରଣୀ ଏକା!

-ଡ.କୁଳାଙ୍ଗାର 

୯୩୩୮୫୮୧୩୦୯