ବନ୍ଧୁ
ବନ୍ଧୁ
ବନ୍ଧୁତା ଅଟଇ ଦୁର୍ଲଭ ଏ ଭବେ
ଥରୁଟିଏ ହେଜ ବନ୍ଧୁ
ଆଜି ମଲେ କାଲି ହୋଇବ ଦି'ଦିନ
ଏହାହିଁ ସତ୍ୟର ସିନ୍ଧୁ ।
ବନ୍ଧୁତା ଅଟଇ ଦୁର୍ଲଭ ଏ ଭବେ
ସର୍ବଦା ଥିବ ଜୀବନ୍ତ
ବନ୍ଧୁ ଥିଲେ କର୍ଣ୍ଣ ବନ୍ଧୁ ଥିଲେ କୃଷ୍ଣ
ଦୁହେଁ ଥିଲେ ବନ୍ଧୁ ହିତେ ।
ବିନା ଅସ୍ତ୍ର ଧରି ବନ୍ଧୁ ପାଇଁ କୃୃଷ୍ଣ
ଦେଉ ଥିଲେ ଉପଦେଶ
ବନ୍ଧୁ ପାଇଁ କର୍ଣ୍ଣ ଜୀବନ ଦେଇବି
ରଖିଗଲେ ନିଜ ଯଶ ।
ବନ୍ଧୁତା ଅଟଇ ଦୁର୍ଲଭ ସମ୍ପଦ
ତାକୁ ଦିଅ ସନମାନ
ସବୁ ସ୍ୱାର୍ଥକୁ ପରିତ୍ୟାଗ କରି
ରଖ ବନ୍ଧୁତା'ର ମାନ ।
ଅଳିକ ଜୀବନ କ୍ଷଣିକ ସମୟ
ବନ୍ଧୁ ପାଇଁ ବନ୍ଧୁ ଦିଅ
ବିପଦ କାଳରେ ତାଙ୍କ ପାଖେ ରହି
ବନ୍ଧୁ ର ମର୍ଯ୍ୟାଦା ପାଅ ।
## ମମତା ମଞ୍ଜରୀ ଦାସ ,କଟକ ##