ଧନ୍ୟ ତୁମ ସୃଷ୍ଟିର ଆଗାମୀ ବିଚାର

ଜୀବନର ଛକା ପଞ୍ଝା ଖେଳରେ

ଦହଗଞ୍ଜ ଜୀବନର 

ଉଠାପକା ସଂସାର

ଆଭିଯ୍ୟାତର ବୁନିଆଦରେ

ନିଷ୍ପେସିତ ମଣିଷ

ଭଦ୍ରାମୀର କଳାପରଦାରେ

ବଡ ଲୋକ ହେବା ଅପେକ୍ଷା

ବରଂ

ଭଲ ତୁମେ 

କୁକୁର ଜନ୍ମ ପାଇବା ।

ନିଜର ଦୋଷକୁ

ଲୁଚାଇବାକୁ ଯାଇ

ଅର୍ଥ ଆଉ ଗୁଣ୍ଡା ଦାଦାଗିରି ବଳରେ

ଅନ୍ୟକୁ ଦୋଷୀ ସାବ୍ୟସ୍ତ କରିବା

ଏକ କଳଙ୍କିତ ପାପ ପୂର୍ଣ୍ଣ ଜୀବନ

ଯେମିତି କି

ବିଷ୍ଠା ମଧ୍ଯେ ଦଶି ପୋକ ସଦୃଶ୍ୟ ।

ତୁମ ବୁଝ ନାହିଁ

ବଡ ଲୋକି ର ଆଦର୍ଶ

ଜାଲିଆତି ମିଥ୍ୟା ଅଭ୍ୟାସରେ

ବେଶ୍ୟାର ସୁରମ୍ୟ କୋଠାରେ

ଟୁଣ ଟାଣ ମଦ ବୋତଲ

ଆଉ କାଚ ଗ୍ଲାସର ଶବ୍ଦରେ

ଦ୍ୱିଧା ନାହିଁ ତୁମ

ସତୀ ନାରୀକୁ ବାରଙ୍ଗନା କହିବାରେ ।

ପ୍ରେମ କ'ଣ

କାହିଁକି ତା ସୃଷ୍ଟି

ସଂଜ୍ଞା କ'ଣ ଜାଣିଛ କି 

ଏହାର ଅର୍ଥ ନ ଜାଣି

ଦୈହିକ ସମ୍ପର୍କର ବିକଟ ଚିତ୍କାର

ଭଉଣୀକୁ ବେଶ୍ୟା କହିବାରେ

ପଛାଅ ନା ତୁମେ

ମିଥ୍ୟା ଆରୋପ ପ୍ରତ୍ୟାରୋପଣ

ପ୍ରମାଣହୀନ ଭୟ ଆତୁରତାରେ

ନିଜର ବ୍ୟକ୍ତିତ୍ଵ ହରାଇ

ନିଜକୁ ଲୁଚାଇ

ତୁମ ପତ୍ନୀ ସାଜେ ବାରଙ୍ଗନା

ହାକିମ ପାଖରେ ।

ପ୍ରେମର ଅମୀୟ ଅମୃତ

ବୁଝିବାକୁ ବେଳ ନାହିଁ ତୁମ

ତୁମ ଆକାଶ ଓ ପୃଥିବୀ ଅନ୍ଧାର

ବେଶ୍ୟାକୁ ନିଜର କରି

ନିଜକୁ ସଚ୍ଚୋଟ କହିବା

ଅଭ୍ୟାସ ତୁମର ।

କି ବିଚିତ୍ର ସଂସାର

ଅତ୍ୟାଧୁନିକ ର ଦ୍ୱାହି ଦେଇ

ନିମ୍ନମୁଖି ସଂସ୍କୃତି ସଂସ୍କାର

ହଜି ହଜି ଯାଏ ସ୍ନେହ ଓ ସମ୍ପର୍କର

ଅହେତୁକ ପ୍ରେମ 

ଧନ୍ୟ ହେ ଈଶ୍ୱର

ଧନ୍ୟ ତୁମ ସୃଷ୍ଟିର ଆଗାମୀ ବିଚାର ।