ଦିନଟି କଟଇ ସୁଖେ
ଦିନଟି କଟଇ ସୁଖେ
1 min
6.8K
ଦିନଟି କଟଇ ସୁଖେ
ନଗେନ୍ଦ୍ର ନାଥ ପଟ୍ଟନାୟକ
ଚଇତ ଆସିଛି ଧରାକୁ ଓହ୍ଲାଇ
କେତେ ପରବକୁ ନେଇ ,
ପ୍ରକୃତିର ଏଇ ମାସଟିଏ ପରା
ମନ ମୋହିନିଏ ସେହି ।
ଠାକୁରଙ୍କ ଝାମୁଯାତରାର ଶୋଭା
ଲାଗେ କେଡେ ମନଲୋଭା ,
ଭକତର ମନ ଉଛୁଳି ଉଠଇ
ନୟନେ ନାଚଇ ଆଭା ।
ଘୋଡା ,ଦଣ୍ଡନାଚେ ଗାଁ ଦୁଲୁକଇ
ଭିଡ ଜମେ ଧୀରେ ଧୀରେ ,
ବୁଢାଠୁ ପିଲାଏ ଧାଇଁଯାନ୍ତି ସେଠି
ଛାଡି କାମ ସବୁ ଘରେ ।
ଗାଁ ଦାଣ୍ଡ ସହରେ ବାସନ୍ତିକ ପୂଜା
କରନ୍ତି ସଭିଏଁ ମିଶି ,
ରାମନବମୀକୁ ପାଳନ୍ତି ଭକତେ
ଭକତିରେ ମନ ତୋଷି ।
ମଙ୍ଗଳବାରରେ ପଣାପାଣି ଟିକେ
ପିଇବାକୁ ମନ ଡାକେ ,
ବାଜିଗଲେ ତା’ର ଶୀତଳ ପରଶ
ଦିନଟି କଟଇ ସୁଖେ ।