Audio

Forum

Read

Contests

Language


Write

Sign in
Wohoo!,
Dear user,
ବନବାସିନୀର କଥା
ବନବାସିନୀର କଥା
★★★★★

© Prasanna Kumar Madala

Inspirational

1 Minutes   13.2K    6


Content Ranking

କଲବଲେ ଅତି      କରୁଛି ମିନତି

     ଶୁଣ ହେ ଓଡ଼ିଆ ଭାଇ

ଥାଉ ରାଜନୀତି     ଦିନ ଯାଏ ବିତି

     ଉପାସରେ ବଞ୍ଚି ଥାଇ ।

କନ୍ଧମାଳ ଝିଅ    ସାହା ଟିକେ ଦିଅ

     କେତେ ବା କହିବି ଆଉ

ଘରେ ନାହିଁ ଜାଉ   କୋଇଲିକି ଖାଉ

     ମରେନି ଭୋକର ଦାଉ ।

ଇଏ କି ବିକାଶ    ହୋଇଛି ନିକାଶ

     ଆସିଲେ ଯହୁଁ ବେପାରୀ

ବନସ୍ତର ଧନ    ବୋହିନେଲେ ଜନ

     ଆମଠୁ ଦୂର ସେପାରି ।

ପାହାଡ ତଳରେ    ସାଧନ ବଳରେ

     କରିଲୁ ଯେତେକ ଚାଷ

ଅଶନ ଅଭାବେ   ପ୍ରାଣୀଏ ସ୍ଵଭାବେ

     ଖାଇ କଲେ ସବୁ ନାଶ ।

ହେଲେ ରୋଗବ୍ୟାଧି  ତନ୍ତ୍ର ମନ୍ତ୍ର ସାଧି

      ଉପାୟ କହଇ ଓଝା

ଏ ମୁଲକେ କାହିଁ    ଡାକତର ନାହିଁ

     ନିଇତି ପଡଇ ଖୋଜା ।

ସରକାରୀ ବାବୁ    ନିତି କରେ କାବୁ

     ନିରୀହା ଅବଳା ଝିଅ

ଦୁଇଚାରି ଦିନେ    ମହତ ତା ଛିନ୍ନେ

     ଆଉ କି ମିଳଇ ଖିଅ ।

ଜନଜାତି ହିତେ    ବେଳକାଳ ବିତେ

     ଯୋଜନା ମାଳକୁ ମାଳ

ସୁବିଧା ଯେତେକ   ଚତୁର କେତେକ

      କରନ୍ତି ହରଣଚାଳ ।

କି ପାଇଲେ ଦୀକ୍ଷା   ନାହିଁ ଏଠି ଶିକ୍ଷା

    ଶିକ୍ଷକ ସେ କିଏ ବୋଲି

ପିଲାଏ ଆମର    ସତେ କି ପାମର

     କହି ନପାରନ୍ତି ଖୋଲି ।

ପୋଡିଛି କି କର୍ମ    ବରି ଆନ ଧର୍ମ

     ସଭିଏଁ ମାତିଲେ ତହିଁ

ଯେହେତୁ ନପାଳ    ଆଦରି କପାଳ

      ସୁବିଧା ମିଳଇ ଯହିଁ ।

ଏତେ ଜାଣି କର     ପତାଇଛି ଧର

     ଜାଗ ହେ ଭଉଣୀ ଭାଇ

ନିଦାନରେ କଥା    ଟେକିଥିବ ମଥା

     କା' ଆଗେ କହିବି ଯାଇ ?

     ପ୍ରସନ୍ନ କୁମାର ମାଦଳା

#positiveindia

କନ୍ଧମାଳ ପାହାଡ ଜନଜାତି

Rate the content


Originality
Flow
Language
Cover design

Comments

Post


Some text some message..