ଖେଳ ସାଥେ ତାହା ଅଭ୍ୟାସୁଥିବି
ଖେଳ ସାଥେ ତାହା ଅଭ୍ୟାସୁଥିବି
ଭାରି ଭୋକ ଏବେ ଲାଗୁଛି ବୋଉ ,
କାମ ଦାମ ତୋର ସେତିକି ଥାଉ ।
ଖାଇବାକୁ ମୋତେ ଦେଏ ସଅଳ ,
ସାଙ୍ଗମେଳେ ଯାଇ ଖେଳିବି ଖେଳ ।
ଦେବୁ,ଜଗା,ସୋନୁ ଗଲେଣି ମିଶି ,
ଖେଳକୁଦ ସବୁ କରିବେ ହସି ।
କହିଥିଲୁ ଆଜି କରିବୁ ପିଠା ,
ଚକୁଳି କି ମଣ୍ଡା ଦେ ଦୁଇଟା ।
ଯାହା କରିଛୁ ତୁ ଦେଏ ଆଣିକି ,
ଖାଇ ଦେଇ ମୁହିଁ ଯିବି ତେଣିକି ।
ତୋ ହାତ ପରଷା ସୁଆଦ ଲାଗେ ,
ସେଥିପାଇଁ ପରା ଆହୁରି ମାଗେ !!
ବିଦ୍ୟାଳୟ ପଢ଼ା ସାରି ଫେରିଲି ,
ଚଞ୍ଚଳ ଖାଇଲେ ଯିବି ମୁଁ ବୁଲି ।
ସୁର ଭାଇ ସେଠି ଶିଖାନ୍ତି ଖେଳ ,
କେତେ ପ୍ରକାରର ଦେହ କୌଶଳ ।
ବଢ଼ିବ ଉଚ୍ଚତା-ଦେହର ଶକ୍ତି ,
କେତେ ପିଲା ତାହା ଶିଖନ୍ତି ନିତି ।
ଲମ୍ବ ଡିଆଁ,ଦୌଡ଼-ଉଚ୍ଚକୁ କୁଦି ,
ଶିଖିଲିଣି କିଛି ମୁହିଁ ଜଲଦି ।
ଏବେ ସେଇଠିକୁ ଖାଇକି ଯିବି ,
ଖେଳ ସାଥେ ତାହା ଅଭ୍ୟାସୁଥିବି ।