ଗ୍ରୀଷ୍ମ ସତର୍କ ବାଣୀ
ଗ୍ରୀଷ୍ମ ସତର୍କ ବାଣୀ
1 min
394
ଆସିଛି ଗ୍ରୀଷମ କରୁଛି ତାଣ୍ଡବ
ଦେଖାଇ ତାହାର ରୂପ ଭୈରବ ।
କରମାଳି କର ହୋଇଛି ପ୍ରଖର
ଅଗ୍ନି ବରଷୁଛି ଶୁଭେ ହାହାକାର ।।
ନୃତ୍ବ କରୁଅଛି ପଥିକର ପଦ
ଜନ ଜୀବନକୁ ଛାଇଛି ବିପଦ ।
ଜରୁରୀ ନଥିଲେ ଛାଡିବନି ବାସ
ଯଦିଓ ଛାଡିବ ମାନ ମୋର ଭାଷ ।।
ସଙ୍ଗତରେ ନେବ ଛତା ଓ ପାନୀୟ
ଯଦି ପାରିବ ତ' ଗ୍ଲୁକୋଜର ପୟ ।
ଓଦା ଗାମୁଛାକୁ ମୁଣ୍ଡରେ ଘୋଡାଇ
ବାରମ୍ବାର ତା'କୁ ଓଦା କରିବଇଁ ।।
ଯେଉଁଠି ଲାଗିବ ଶରୀର ଅସୁସ୍ଥ
ଶୀତଳ ଛାୟାରେ ରହିବ ତୁରନ୍ତ ।
ଯେ' ଜନ ନିକଟେ ଅଛନ୍ତି ତୁମର
ସାହାଯ୍ୟ ମାଗିବ ନଊାବି ଯେ' ପର ।।
ମୁଣ୍ଡ ଦେହ ସାରା ପାଣିରେ ପୋଛିବ
ସମୀର, ଛାୟାରେ ଘଡିଏ ରହିବ ।
ତଥାପି କିଞ୍ଚିତ ନଲାଗିଲେ ଭଲ
ଏକ ଶହ ଆଠ କରିବ ଯେ' କାଲ୍ ।।