ଜାତୀୟ ପ୍ରତୀକ
ଜାତୀୟ ପ୍ରତୀକ
ପ୍ରଭାତ କୁମାର ସାହୁ
ଆମ ଜାତିର ପିତା ମହାତ୍ମାଗାନ୍ଧୀ
ତାଙ୍କର ନୀତି ଅହିଂସା
ଇଂରେଜମାନେ ଚାଲିଗଲେ ଛାଡି ଦେଲେ ଦେଶ
କାରି ତାଙ୍କ ପ୍ରଶଂସା l
ଅମର ଅଛି ଗୋଟେ ଜାତୀୟ ଖେଳ
ହକି ଅଟେ ନାଁଟି ତା’ର
ଦେଖିଛି ଦୁନିଆ ଆମ ଖେଳ କୌଶଳ
ଜିତିଛୁ ଆମେ ଅନେକ ଥର l
ଜନ ଗଣ ମନ ଆମ ଜାତୀୟ ସଙ୍ଗୀତ
ସବୁଠି ସିଏ ଶ୍ରେଷ୍ଠ
ଆମ ଜାତୀୟ ପଶୁ ମହାବଳ ବାଘ
ଦେଖ କେତେ ହୃଷ୍ଟପୁଷ୍ଟ l
ମୟୂର ଆମର ଜାତୀୟ ପକ୍ଷୀ
ଦିଶୁଥାଏ କେଡ଼େ ସୁନ୍ଦର
ଦେଖିବ ତାକୁ ଯିଏ ଥରୁଟିଏ
ଚାହୁଥିବ ବୁଲି ଥରକୁ ଥର l
ଆମ୍ବ ଅଟେ ଆମର ଜାତୀୟ ଫଳ
ଖାଇବାକୁ ଭାରି ସୁଆଦିଆ
ପଦ୍ମ ଅଟଇ ଆମ ଜାତୀୟ ଫୁଲ
ଆଉ କିଛି ନାହିଁ ତା’ ଭଳିଆ l
ଆମ ଜାତୀୟ ପତାକା ଅଟେ ତ୍ରିରଙ୍ଗା
ରଖିବା ତା’ର ଟେକ
ଜାତି ଧର୍ମ ବର୍ଣ୍ଣ ହେଲେ ବି ଅଲଗା
ଆମ ଭାରତୀୟ ସବୁ ଏକ l