ଜୀବନର ନିଶୁଣି

ରଚନା : ଶ୍ରୀ ରାଜଶେଖର ସି 'ଚିମା'

ବହୁ ଅମୁଲ୍ୟ ଯେ ଏହି ସୀମିତ ଜୀବନ,

ପୁଣି ମୂଲ୍ୟବାନ ଯେ ମନୁଷ୍ୟ ଜୀବନ,

ବିଭିନ୍ନ ଅନୁଭବ ମିଳୁଥିବ ଆଜୀବନ,

ପ୍ରତି ପଦକ୍ଷେପ ଶିକ୍ଷା ଦିଏ ଯାବଜ୍ଜୀବନ |୧|

ଜୀବନର ନିଶୁଣିରେ ଅଛି ଭିନ୍ନ ଭିନ୍ନ ଦଶା,

ବ୍ରହ୍ମାଣ୍ଡରୁ ଆରମ୍ଭ ହୋଇ ମିଳେ ପିଣ୍ଡ ଦଶା,

ମାତାଙ୍କ ମମତ୍ୱ ରୁ ପ୍ରାରମ୍ଭ ହୁଏ ଶିଶୁ ଦଶା,

ପ୍ରତି ଦମ୍ପତି ରଖନ୍ତି ସନ୍ତତି ସୁଖର ଆଶା |୨|  

କେତେ ମନୋହର ଯେ ଶୈଶବ,

ଚିନ୍ତାଶୂନ୍ୟ ଯେ ପ୍ରତି ଶିଶୁ ର ରବ,

ପ୍ରତିଦିନ ଲାଗେ ଯେ ନୂଆ ପରବ,

ଶିଶୁ ସମୟ ଭଲ ପାଏ ପ୍ରତି ମାନବ |୩|

ଆସେ ବହୁମୂଲ୍ୟ ବାଲ୍ୟ ଅବସ୍ଥା,

ପରେ ପରେ ଯେ କିଶୋରାବସ୍ଥା,

କେତେ ଶକ୍ତି ଦିଏ ଯୌବନ ଅବସ୍ଥା,

ପରିପକ୍ୱତା ଦିଶା ଦିଏ ବୟସ୍କ ଅବସ୍ଥା |୪|

ଯେମିତି ଯେମିତି ବାର୍ଦ୍ଧକ୍ୟ ହୁଏ ସମୀପ,

ଆଭାସ ହୁଏ ଯେ ଲିଭିବ ଜୀବନ ଦୀପ,

ତେଣୁ ପ୍ରଜ୍ଜ୍ଵଳିତ କରିବା ନିଜ ଜ୍ଞାନଦୀପ,

ନଶ୍ଵର ଯେ ପ୍ରାଣ ଥିବା ଏହି ରମ୍ୟ ରୂପ |୫|

ପ୍ରତି ଜୀବ ର ସୃଜନ କରେ ଶୂନ୍ୟସ୍ଥାନ,

ସମସ୍ତଙ୍କୁ ପହଁଚୁବାକୁ ହୁଏ ଏହି ଶୂନ୍ୟସ୍ଥାନ,

ପ୍ରତି ପାହାଚରେ କେତେ ଯେ ଉପସ୍ଥାପନ,

ସମ୍ପ୍ରାପ୍ତି ହୋଉ ଶ୍ରୀଜୀଉଙ୍କ ଉତ୍କୃଷ୍ଟ ଉପସ୍ଥାନ |୬|