ନର୍କରେ ଚହଳ

ତୁମ ମସୃଣ କାନ୍ଥରେ

ଏଇ ଅର୍ବାଚୀନର ଚିତ୍ର କାହିଁ ?

ତୁମ କାନ୍ଥ ଆହୁରି ଚକ୍ ଚକ୍...

ହେଲେ,ମୋ ଚିତ୍ରପଟରେ କାଳିମା...

ସେଦିନ କହିଥିଲ,

ମୋ ଚିତ୍ରରେ 

ନୂଆ ରଙ୍ଗ ଭରିଦେଵ,

ତୁମ କଅଁଳ ତୁଳୀରେ 

ବ୍ରାସଲେଟ ରଙ୍ଗ ଦେଇ

ମୋତେ ବର୍ଣ୍ଣାଢ୍ୟ କରିଦେବ।

ତୁମ କେଇ ପଦ, ସେଦିନ

ମୋତେ ଆକାଂକ୍ଷିତ କରି ଦେଇଥିଲା

କଳ୍ପନାର ତାଜ୍ ଗଢିଥିଲି ।

ଆଜି ସବୁ ଓଲଟା ଦେଖୁଛି ।

ତୁମ ଚିକ୍କଣ କାନ୍ଥରେ 

ଆଉ କାହାର ପ୍ରତିଛବି !

ଆଉ ମୋର ଚିତ୍ରପଟ

ଦୂର ଦିଗ୍ ବଳୟରୁ ଛାଡ଼ୁଛି

ଖାଲି ବୁକୁଫଟା ଆର୍ତ୍ତ ଝଙ୍କାର ।

ଆର୍ତ୍ତ ଝଙ୍କାର ତୁମପାଇଁ ନୁହଁ,

ମୋ' ସଂସ୍କାର ପାଇଁ,

ମୋ ଅଭିଯାନ ପାଇଁ ।

ତୁମେ ତ ନର୍କରେ ଚହଳ !