Audio

Forum

Read

Contests

Language


Write

Sign in
Wohoo!,
Dear user,
ଆଜି ଭାରି ମନେପଡେ
ଆଜି ଭାରି ମନେପଡେ
★★★★★

© Prasant Kumar Nath

Inspirational Others

1 Minutes   6.9K    8


Content Ranking

ଗାଁରେ ଥିଲା ମୋର ଗୋଡି ମାଟି ରାସ୍ତା

ଅସଳେ ବର୍ଷରେ କାଦୁଅରେ ଭରା

ବର୍ଷରେ ଧୂଳି ଧୋଇ ଯାଇ

ପଥର ଗୁଡିକୁ ହୋଇଯାଇଥିବ ଠିଆ

କାହିଁ କେତେଥର ସେଠି ଝୁଣ୍ଟି ପଡେ

ଆଜି ଭାରି ମନେପଡେ ।

କଅଁଳା ବାଛୁରୀ ଡିଆଁ ମାରେ

କୁନି ଝିଅଟି ପ୍ରଜାପତି ଧରେ

ପାଠ ନପଢିଲେ କେତେ

କାନ ଧରି ଉଠ ବଅସ ହୁଏ

ବୋଉ କିଛି କହିଦେଲେ ରାଗି କରି

ଧୂଳିରେ ମୁଁ ଗଡେ

ଆଜି ଭାରି ମନେପଡେ ।

ଜୁଈ ଯାଇ ହେନା ମାଳତୀ ବାସେ

ପୂରୁବ ଦିଗରେ ସୂରୁଜ ହସେ

ଗାଧୋଇବା କଥା କହିଲେ

ମୋତେ ଭାରି ଡରଲାଗେ

ତଥାପି ସାଙ୍ଗ ମାନଙ୍କ ସହ

ପୋଖରୀରେ ବୁଡ଼େ

ଆଜି ଭାରି ମନେପଡେ ।

ସାଙ୍ଗ ମାନଙ୍କ ସାଥେ ଖେଳିଛି ମେରି

ଖରାଦିନ ପୁଣି ଖେଳେ ଲୁଚକାଳି

ଖାଇଛି କାହିଁ କେତେ ମାଡ଼ଗାଳି

ସେକି ହେଇଛି ଶୀତ ସକାଳେ କୁଟା ଜାଳି

ଖରାବେଳେ ଆମ୍ବ ଖାଇବାକୁ ଯାଇ

ଲୁଚି ଲୁଚି ଗଛ ଚଢ଼େ

ଆଜି ଭାରି ମନେପଡେ ।

ଗାଡ଼ିଆରେ ପଶି ମାଛ ଧରିଛି

ଗୁଲି ଗୋଟି ଖେଳ କେତେ ଖେଳିଛି

କାଦୁଅ ପାଣିରେ ଘାଣ୍ଟି ହେଇଛି

ସାଙ୍ଗ ସାଥି ମେଳେ ଦିନ କାଟିଛି

ସପନ ସହରେ ଯାଇ ସପନରେ

ରାଜ ଉଆସ ଗଢେ

ଆଜି ଭାରି ମନେପଡେ ।

ମୋର ରାସ୍ତା ଝୁଣ୍ଟି

Rate the content


Originality
Flow
Language
Cover design

Comments

Post


Some text some message..