ମା ହିଁ ସାହା

ଲକ୍ଷ୍ମୀ ସରସ୍ଵତୀ ଦୁର୍ଗା ଆମ ମାତା ତିନି

ଗୋ ଗଂଗା ଗାୟତ୍ରୀ ଆମ ମାତା ପଦ ଘେନି ।

ଧରଣୀ ମାତା ଆମକୁ ଲାଗେ ସିନା ଜଡ

ଜନନୀ ଜନମଭୂମି ସରଗଠୁ ବଡ଼ ।

ମାତା ବ୍ରହ୍ମା ମାତା ବିଷ୍ଣୁ ମାତା ମହେଶ୍ୱର

ମାତା ଆଦ୍ୟ ଗୁରୁ ମାତା ପରମ ଈଶ୍ଵର ।

ମାଆ ନାହିଁ ଯାହାର ଟି ସାହା ନାହିଁ ତାହାର

ମାଆ ସିନା ପେଟ ଚିହ୍ନି ଯୋଗାଉଛି ଆହାର ।

ଘୋଡ଼ା ଚଢା ଵାପା ଥାଇ ମା' ଯା'ର ନଥାଏ

ଦୁନିଆ ଦାଣ୍ଡରେ ଗଣା ଜଣେରେ କି ହୁଏ !!

ମାଆର ସଂସ୍କାର ଯିଏ ହୃଦୟରେ ଘେନିଛି

ଜିତିବା ତା କରମରେ ବିହି ଲେଖି ଦେଇଛି ।

ମା ଆମ ମମତାର ସୀମା ହୀନ ସାଗର

ସନ୍ତାନ ପାଇଁ ସାକ୍ଷାତ ଦେବୀ ସରଗର ।