ସ୍ମୃତିର ସ୍ୱରୂପ
ସ୍ମୃତିର ସ୍ୱରୂପ
1 min
7.1K
ସ୍ମୃତି ଏକ ଜହ୍ନ ରାତି
ପ୍ରଣୟର ପ୍ରୀତି
ସ୍ମୃତି ବିରହର ତାତି
ଶୂନ୍ୟତାର ଗୀତି ।।
ସ୍ମୃତି ସେ ଯେ ମିଠା ସ୍ପର୍ଶ
ବିତା ଫଗୁଣର
ସ୍ମୃତି ଏକ ନିର୍ଝରିଣୀ
ଅମୃତ ବାରିର ।
ସ୍ମୃତି ଏକ ଉଦବେଳନ
ଅବୁଝା ମନର ।।
ସ୍ମୃତି ଏକ ପଟ୍ଟଚିତ୍ର
ସିକ୍ତ ବେଦନାର ।।
ସ୍ମୃତି ମିଠା ଅନୁଭୁତି
ଶେଷ ଶ୍ରାବଣର ।
ସ୍ମୃତି ମିଥ୍ୟା ପ୍ରତିଶ୍ରୁତି
ଅବ୍ୟକ୍ତ କୋହର ।।
ସ୍ମୃତି ଲେଲିହାନ ଶିଖା
ମଧୁ ବସନ୍ତର ।
ସ୍ମୃତି ମଧୁ ଗୁଞ୍ଜରଣ
ଅଭୁଲା ଫର୍ଦ୍ଦର ।
ସ୍ମୃତି ପ୍ରୀତି ଆମୋଦିତ
ସୁଧାର ଆଗାର ।
ସ୍ମୃତି ଅଲିଭା ଅତୀତ
ଛନ୍ଦା ମଳୟର ।