ଆଇନା କେବେ ବି ମିଛ କୁହେ ନାହିଁ

ଆଇନା କେବେ ବି ମିଛ କୁହେ ନାହିଁ

ମୁହଁରେ ମିଛର

ପ୍ରଲେପ ଥାଏ ।

ହୃଦୟ କେବେ ବି ନିଷ୍ଠୁର ହୁଏ ନି

ନିଷ୍ଠୁର ନିଜର

ମନ ହିଁ ହୁଏ ।

ବିବେକ କାହାକୁ ଦଂଶନ କରେନି,

ବରଂ, ବେଳେ ବେଳେ

ଧର୍ଷିତ ହୁଏ ।

ବନ୍ଧୁ କେବେହେଲେ ସଂକୀର୍ଣ୍ଣ ହୁଏନି,

ବନ୍ଧୁ ପାଇଁ ନିଜେ

ଅର୍ପିତ ହୁଏ ।

ସଂଘର୍ଷ କେବେ ବି ବିଫଳ ହୁଏନା,

ଯେବେ ସଂଘର୍ଷର

ସ୍ୱରୂପ ଥାଏ ।

ଉଦ୍ଧେଶ୍ୟ ବିହୀନ ସଂଘର୍ଷ ନିଜକୁ,

ଲକ୍ଷ୍ୟ ନିକଟରୁ

ଦୂରେଇ ନିଏ ।

ସମ୍ମାନ ନିଜର ମର୍ଯ୍ୟାଦା ଭିତରେ

ସଙ୍କୁଚିତ ଭାବେ

ବଳିଷ୍ଠ ରୁହେ ।

ସମ୍ମାନ ପାଇବା,ସମ୍ମାନ ଦେବାରେ

ସାର୍ଥକ ମଣିଷ

ଆନନ୍ଦ ପାଏ ।