ପାପା ତୁମ ସ୍ମୃତି ଭାସେ ମନ ଆକାଶରେ
ପାପା ତୁମ ସ୍ମୃତି ଭାସେ ମନ ଆକାଶରେ
ସୁଖର ସଂସାର ତୁମ ଅବଦାନ
କାହିଁ ଛାଡ଼ି ଗଲ ପାପା ;
ତୁମ ଛବି ଭାସେ ମନଆକାଶରେ
ଅଭୁଲା ଏ ସ୍ମୃତି ଛାପା !!
ସୁଖ ନୀଡ଼ ଗଢି ଗଲ ହେ ବାହୁଡି
କରିନାହଁ ସୁଖ ଭୋଗ ;
ତ୍ୟାଗପୂତ ତୁମ ଜୀବନ ଆଦର୍ଶ
କେ ହବ ତୁମରି ସମ !!
ତୁମ ସମର୍ପଣ ଚିର ହସ ଫୁଲ
ସାଇତି ରଖିଛୁ ଆମ୍ଭେ ;
ଆଉକି ଫେରିବ ତୁମେ ପିତୃଦେବ
ସରଗ ପୁର ରୁ ସତେ !!
ମାଆ ସିନ୍ଥୀ ଖାଲି ଝୁରୁଛି ସେ ନିତି
ବୈଧବ୍ୟ ଯନ୍ତ୍ରଣା ଭୋଗି ;
ପ୍ରୀତିର ସ୍ୱାକ୍ଷର ଥିଲ ତ ଆମର
କାହିଁ ଗଲ ପାପା ରାଗି !!
ଟୁନା ମୁନା କୁନା ସର୍ବେ ଆନମନା
ମାଆ କୁ କରନ୍ତି ପ୍ରଶ୍ନ ;;
ପାପା ଶବ୍ଦ କାହିଁ ହୋଇଛି ନିଃଶବ୍ଦ
ମାନୁ ନାହିଁ ଆମ ମନ !!
ଏ ବଚନ ଶୁଣି ମାଆ ମୋ ବାୟାଣୀ
ହୃଦୟ ରେ ଭରେ କୋହ ;;
ଖୋଲେ ନାହିଁ ତୁଣ୍ଡ ପିଟି ଦିଏ ମୁଣ୍ଡ
ସଂଜ୍ଞାହାରି ଯାଏ ମୋହ !!
ପିତୃ ଆଦ୍ୟ ଗୁରୁ ଜୀବନ ପ୍ରାନ୍ତରୁ
ମହାନ ବ୍ୟକ୍ତିତ୍ୱ ପ୍ରଭୁ ;;
ଦୁଃଖ କୁ ବରଣ କରନ୍ତି ସେ ପୁଣ
ହସଫୁଲ ତୋଳି ବାକୁ !!!
ଆହେ ପିତୃ ଦେବ ଘେନ ମୋ ପ୍ରଣାମ
ସରଗ ପୁରରେ ଥାଇ ;
ତୁମ ଆଶୀର୍ବାଦେ ଅଛୁ ହେ ସୁଖରେ
ମଥା ମୋର ଯାଏ ନଇଁ !!
ଆସନ୍ତ କି ଥରେ ସରାଗ ମନରେ
ସରଗ ପୁର ରୁ ଘରେ ;
ମାଆ ମୋର ବେଶି ହୁଅନ୍ତା ସେ ଖୁସି
ମନ ଖୋଲି ହସି ବାରେ !!
ମୁଁ ଅଧମ ସୁତ ଲେଖିଛି ଏଗୀତ
ସାଦରେ କରିବ ପ୍ରୀତି ;
ସରଗ ପୁର ରେ ଥାଇ ହସିଦେବ
ଅଭୁଲା ରହିବ ସ୍ମୃତି !!
ସଦାନନ୍ଦ ସାହୁ ;କାରାକର୍ମଚାରୀ ;
କେନ୍ଦ୍ରୀୟ କାରାଗାର ; କଟକ ; ଚୌଦ୍ୱାର ;