ଶୁଆକହେ ଶାରୀଲୋ
ଶୁଆକହେ ଶାରୀଲୋ
ପ୍ରମୋଦ କୁମାର ଜେନା
ବଳ ବୋଲି ୟାଙ୍କ କାଣିଚାଏ ନlହିଁ
ପିମ୍ପୁଡି ମାରୁଛି ଚୋଟ
ପୁରୁଷ ବାଘ ପୁଣି ସିଂହର ବଳ
ମାରନ୍ତି ତୁଚ୍ଛା କୁହାଟ l
ପାଟି ପାକୁଳିବା ଗାଈଠୁ ଶିଖିଲି
ଚୋବାନ୍ତି ସଭିଏଁ ପାନ
କୁକୁରଙ୍କ ଭଳି ଶୁଙ୍ଘି ଶୁଙ୍ଘି ଏବେ
ଖୋଜନ୍ତି ମଦ ଦୋକାନ l
ଓଟଠୁ ଶିଖିଲେ ହେୟାର କଟିଙ୍ଗ
ଛେଳିଠୁ ଶିଖିଲେ ଦାଢୀ
ଦିନ କେତେ ଗଲେ ଲଙ୍ଗଳା ବୁଲିବେ
ଫିଙ୍ଗି ଲୁଗାପଟା ଶାଢୀ l
ମୟୁର ଭଳିଆ ସୁନ୍ଦର ନୁହେଁ ଲୋ
ନାଆଁ ତା କଜଳପାତି
ଛୋଟ ପକ୍ଷୀ ହୋଇ ମଣିଷ ଜାତିକୁ
ଶିଖାଇଲା ରାଜନୀତି l
ବୁଢା ମାଙ୍କଡଠୁ ଝାମ୍ପିବା ଶିଖିଲେ
କାଉଠୁ ଶିଖିଲେ ମେଳି
ରକତ ଶୋଷିବା ମଶା ଶିଖେଇଲେ
ବିଲେଇ ପାଖରୁ କଳି l
ପଶୁ ପକ୍ଷୀଙ୍କଠୁ ବୁଦ୍ଧି ଚୋରି କରି
କରନ୍ତି ତାଙ୍କ ଶିକାର
ଯାହାଠୁ ପାଇବେ ତାଙ୍କୁ ବୁଡେଇବେ
ଦି ଗୋଡ଼ିଆ ସ୍ଵାର୍ଥପର l
ବଳ ଓ ବୟସ ମଣିଷ ପାଖରୁ
ଦିଅନ୍ତି ଠାକୁର କାଢି
ଭାତ ମୁଠେ ପାଇଁ ପୁଆ ବୋହୁ ପାଖେ
ପଡିବାକୁ ପେଚା ଭଳି l