Library
ହେ ମହାପ୍ରଭୁ
ହେ ମହାପ୍ରଭୁ
ବଣିଟିଏ ମୋତେ କର ମହାପ୍ରଭୁ
ବଣିଟିଏ ମୋତେ କର ।
ଉଡି ଉଡି ବୁଲି ନୀଳ ଗଗନରେ
ଦେଖିବି ସୁନା ସଂସାର ।
କପୋତ ଗୋଟିଏ କର ମହାପ୍ରଭୁ
କପୋତ ଗୋଟିଏ କର ।
ଶାନ୍ତିର ବାରତା ଦେଇ ବୁଲୁଥିବି
ଶାନ୍ତି ହେବ ଏ ସଂସାର ।
ଛୋଟ ତରୁଟିଏ କର ମହାପ୍ରଭୁ
ଛୋଟ ତରୁଟିଏ କର ।
ଦେଉଥିବି ସଦା ଅମ୍ଳଜାନ ମୁହିଁ
ବଞ୍ଚିବେ ପ୍ରାଣୀ ଇତର ।
କ୍ଷୁଦ୍ର ବାରିଧାରା କର ମହାପ୍ରଭୁ
କ୍ଷୁଦ୍ର ବାରିଧାରା କର ।
ବାଣ୍ଟି ଚାଲୁଥିବି ସୁଶୀତଳ ଜଳ
ନ ଭାବି କାହାକୁ ପର ।
ପୁଷ୍ପ ତୁମେ ମୋତେ କର ମହାପ୍ରଭୁ
ପୁଷ୍ପ ତୁମେ ମୋତେ କର ।
ଛୁଟାଉଥିବି ମୁଁ ବାସନା ମୋହର
ଜଗତ ହେବ ମଧୁର ।
ଛୋଟ ପ୍ରଦୀପଟେ କର ହେ ଠାକୁରେ
ଛୋଟ ପ୍ରଦୀପଟେ କର ।
ପ୍ରଜ୍ଜ୍ବଳିତ ହୋଇ ପର ଉପକାରେ
ଦୂର କରିବି ଅନ୍ଧାର ।
କ୍ଷୁଦ୍ର କୂୂୂପଟିଏ କର ମହାପ୍ରଭୁ
କ୍ଷୁଦ୍ର କୂୂୂପଟିଏ କର।
ମୋର ଜଳ ନେଇ ସେ କୃଷକ ଭାଇ
ଯୋଗାଉଥିିବ ଆହାର ।
ସୁପଥଟିଏ କର ମୋତେ ପ୍ରଭୁ
ସୁପଥଟି ମୋତେ କର।
ମୋର ପଥେ ଚାଲି ପଥିକ ଭାଇନା
ଲଭିବ ମୁୁୁୁକ୍ତି ଅସାର।
ଏତିକି ପ୍ରାର୍ଥନା ତୁମ୍ଭରି ଚରଣେ
କରୁଅଛିି ମହାବାହୁ ।
ଟିକି ସନ୍ତାନ ମୁଁ ତୁମ୍ଭର ସୃଷ୍ଟିର
ଧ୍ୟାନ ତୁମ ପାଦେ ଥାଉ ।
*******
ଶ୍ରୀ ଡମ୍ବରୁଧର ବାଗ
dambarudhar11@gmail.com
phone No.9178225764
