ଇଚ୍ଛା ହୁଏ
ଇଚ୍ଛା ହୁଏ
ଇଛା ହୁଏ ଫୁଲ ହୋଇ ଫୁଟିବାକୁ
ଉଦ୍ୟାନ ଭିତରେ
ତୋଳା ହୋଇ ଲାଗିବାକୁ ପ୍ରଭୁଙ୍କର
ପୂଜା ଅର୍ଚ୍ଚନାରେ ।
ପକ୍ଷୀଟିଏ ହୋଇ ଉଡିବାକୁ ମନ
ହୁଏ ଅବନୀରେ
ବାଧାବନ୍ଧନରୁ ମୁକ୍ତି ଲାଭକରି
ଉଡିଯା'ନ୍ତି ଦୂରେ ।
ଶୋଇକରି ମଧ୍ୟ ଚିନ୍ତାଗ୍ରସ୍ତ ଲୋକ
ରହିଥାନ୍ତି ଚେଇଁ
ସ୍ବପ୍ନ ହୋଇ ଆଣିଦ୍ୟନ୍ତି ସୁଖନିଦ୍ରା
ସେମାନଙ୍କ ପାଇଁ ।
ବର୍ଷା ହୋଇ ଝରିଯା'ନ୍ତି ଶୁଷ୍କ ମରୁ
କାନନ,ପ୍ରାନ୍ତରେ
ଜୀବନ ସଂଚରି ଯା'ନ୍ତା ସନ୍ତାପିତ
ପ୍ରାଣୀଙ୍କ ଭିତରେ ।
ତାରା ହୋଇ ଚିକ୍ ମିକ୍ କରୁଥା'ନ୍ତି
ନଭର ବକ୍ଷରେ
ଚନ୍ଦ୍ରମାର ଶୀତଳତା ଆଣିଦ୍ୟନ୍ତା
ସୁନିଦ୍ରା ଚକ୍ଷୁରେ ।
ମିନାକ୍ଷୀ ସାମଲ