ସପନର ରାଇଜ
ସପନର ରାଇଜ
ବେଳେବେଳେ ଖୁବ୍ ଇଚ୍ଛା ହୁଏ,
ପାହାନ୍ତାନି କି ଏ ରାତି
ତୁମେ ଏମିତି ଶୋଇଥାଆନ୍ତ ମୋ ପାଖରେ,
ଧରି ଥାଆନ୍ତି ତୁମ ହାତକୁ ଓ
ଆମେ ବୁଲନ୍ତେ ସ୍ୱପ୍ନରାଜ୍ୟରେ |
ଆବୋରି ନେଉଛ ମୋତେ
ପାରୁଛି ଅନୁଭବ କରି ତୁମ ଉଷୁମ ନିବିଡତା,
ତୁମ ବାସ୍ନାର ଇଲାକାରେ ପ୍ରେମର ଉତ୍ତାଳ ମୋହ
ରଜନୀର ବହଳ ଅନ୍ଧାର ଓ ମୋହଚ୍ଛନ୍ନ ନୀରବତା |
ହେଲେ ସୂର୍ଯ୍ୟ ଉଇଁବା ନିଶ୍ଚିତ
ପୁଣି ସେ ପୁରୁଣା ଭୟର ଆଗମନ,
ଦିନତମାମ୍ କର୍ମମୟ ଜୀବନ
ସେହି ରାଗ,ରୋଷ,ଅଭିମାନ |
ପ୍ରକୃତରେ କିଛି ତ ବଦଳିନି,
ତୁମ କଥା,ସ୍ପର୍ଶ କି ଚାହାଣି,
ପୁଣି ଅପେକ୍ଷା ସେଇ ରାତ୍ରିର
ଆଉ ଏକ ସୁନ୍ଦର ସ୍ୱପ୍ନ ରାଇଜର |