ଋତୁ ମୋ ପ୍ରେମିକା
ଋତୁ ମୋ ପ୍ରେମିକା
ଦୀପ୍ତିଲେଖା ମିଶ୍ର
ତୁମ ମନେ ଅଛି କି ନାହିଁ ଜାଣେନା
ପିଲା ବେଳର ଗୁଡ଼ି ଉଡ଼ା ହେଉ
ଅବା କଅଁଳିଆ ଖରାର ଘୋଡ଼ଣୀ
ଭିତରେ ରହି ଢୁଳେଇ ବାର ମଜା ॥
ଆଜି ମୋ ପାଖେ ନାହିଁ ସେ ଖୁସି
ପିଲା ବେଳର ସବୁ ମଜା ମଜଲିସ୍
ତଥାପି ତୁମେ ମୋ ପାଖେ ଆସିଲେ
ମନେ ପଡିଯାଏ ଅକଳନା ସପନ
ଅସୁମାରୀ ସୁନ୍ଦର ସୁନ୍ଦର ଭାବନା
ଆଉ ଅମାପ ଅସୀମ ସୁଖ ଦୁଃଖ ॥
ଏ ସବୁ ତୁମେ ଶୁଣି ପାରୁଛ କି ନା
ତାହା ତ ମୁଁ ଜାଣିପାରେନା
ତଥାପି ତୁମ ପ୍ରେମରେ ହୋଇଛି ବନ୍ଧା
ହେବି ବି ପ୍ରେମରେ ବନ୍ଧା ଆଗକୁ
ଅନ୍ତହୀନ ସାଗରରେ ତୁମ ସାଥିରେ ॥
ତୁମେ ଆସିଲେ ଘେନି ଆସେ ପର୍ବ ପର୍ବାଣୀ
ଶୀତ ପୋଷାକ ଆଉ ମଧୁର ଫଳ
ତୁମେ ଆସି ହସିଦେଲେ ଝରି ପଡ଼େ
ତୁମ ଓଠୋରୁ କେତେ ମୃଦୁ ପବନ ॥
ଏମିତି ମୋତେ ଭଲ ପାଉଥାଅ
ଆଉ ମୁଁ ବି ତୁମକୁ ଝୁରୁଥିବି
ଏମିତି ସାରା ରାତି ସାରା ଦିନ
ବିତି ଯାଉ ହସ ଖୁସିରେ ମୋ ଜୀବନ॥
ହେ ମୋ ଶୀତୁଆ ପବନ ଭରା
ଆନନ୍ଦମୟୀ ଅମାପ ଶୀତ
ତୁମେ ହିଁ ତ ମୋ ପ୍ରେମିକା
ତୁମେ ହିଁ ତ ମୋ ପ୍ରକୃତ ମିତ ॥