ମୋ ବଇଁଶୀ
ମୋ ବଇଁଶୀ
1 min
13.7K
ମୋ ବଇଁଶୀ
ଆଭାକାନ୍ତ ମହାନ୍ତି
ମୋ ବଇଁଶୀ ଆଉ ପ୍ରାଣ ମତାଣିଆ
ସୁର ବାଉନି ଗୋ ସହୀ
ମିଳନ-ସୂରୁଯେ ଲୁଚାଇ ରଖିଛି
ବିରହ-ବାଦଲ ଛାଇ । ୦ ।
ଭଲପାଇବାର ଶେଷ ସୀମା ସିନା
ଆଜି ମୋ ମରମ ଖାଏ
ବ୍ୟର୍ଥ ଜାଣି ବି ମୁଁ ତୁମ ଖିଆଲରେ
ଜଡ଼ିଯାଏ ଛାଏଁ ଛାଏଁ
ପ୍ରେମମିତ୍ର ଯେତେ ଅଧୈର୍ଯ୍ୟ କରାନ୍ତି
ଆଜି ମୋର ଶତ୍ରୁ ହୋଇ । ୧ ।
ବିଧୁର ପରାଣେ ତୁମ ମଧୁଛୁଆଁ
ଅବିରତେ ହୁଏ ଲୋଡ଼ା
ରୋଧିପାରୁନାହିଁ ବିରହୀ ମନର
ଗତି କର୍ମ-ତଟୁ-ଘୋଡ଼ା
ସମୟ ତାଳରେ ବ୍ୟାକୁଳତା ଚାଲେ
ଦୁଇକୂଳ ଖାଇ ଖାଇ । ୨ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****