Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Parshuram Biswal

Others

2  

Parshuram Biswal

Others

ମୋ ଭଳି ଶ୍ରମିକ ଏଇ ସଂସାରରେ

ମୋ ଭଳି ଶ୍ରମିକ ଏଇ ସଂସାରରେ

1 min
1.2K


ମୋ ଭଳି ଶ୍ରମିକ ଏଇ ସଂସାରରେ    

 

ପର୍ଶୁରାମ ବିଶ୍ୱାଳ

 

ଯୋଉ ଧୂପ ଗୋଟି ଜଳିଲେରେ ଜଗା ତୋ ମନ୍ଦିର ମହକୁଚି

ଯେତେ ପୂଜାର୍ଚ୍ଚନା ଅଛି ଏ ଜଗତେ ସବୁଠି ଧୂପଟି ଅଛି

ସେଇ କାରଖାନା ଶ୍ରମିକ ମୁଁ ପ୍ରଭୁ

ମୋ ଦୁଃଖ କିଏ ବୁଝୁଚି ?

 

ସୁନ୍ଦର ଦିଶିଲେ କାନଫୁଲ ପିନ୍ଧି ପ୍ରଶଂସା ମିଳଇ ଭାରି

କାନକୁ ଯିଏ ସେ ଗଢ଼ିଚି ତା କଥା କେହି କାହିଁ ନପଚାରି

ଧୂପର ଆଦର ସଭିଏଁ କରନ୍ତି

ମତେ କିଏ ପଚାରୁଚି ?

 

ମୋ ହାତତିଆରି ଧୂପ ବାସନାରେ ମୋହିତ ଏଇ ଜଗତ

ଅଳିଆ ନର୍ଦ୍ଦମା ଭରା ଏ ବସ୍ତିରେ ମୋ ଘରଟି ଅଛି ସତ

ମୋ ଜୀବନରଥ ଗଡୁ କି ନଗଡୁ

କା’ର କଅଣ ଯାଉଚି !

 

ମୋ ଭଳି ଶ୍ରମିକ ଏଇ ସଂସାରରେ କେତେ କେତେ ଚିଜ ଗଢ଼ି

ଖୁସି ବାଣ୍ଟୁଚନ୍ତି ଏଇ ସମାଜକୁ, ଅଭାବରେ ଶଢ଼ିଶଢ଼ି

ତାଙ୍କ ପାଇଁ ତୋର ବିଚାରଟି ନାହିଁ

ଏ ଅଭିଯୋଗ କରୁଚି ।

 

ଗ୍ରା.-ମିତ୍ରସେନପୁର, ପୋ.ଅ.-ଗମୁଁ

ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪

ଫୋନ୍-୯୮୫୩୭୫୯୭୦୦

*****


Rate this content
Log in