ଗ୍ରୀଷ୍ମ ପ୍ରବାହ
ଗ୍ରୀଷ୍ମ ପ୍ରବାହ
1 min
232
ଗ୍ରୀଷ୍ମ ପ୍ରବାହର ତତଳା ତାୱାରେ
ତାତୁଛି ସାରା ଓଡିଶା ।
ଜ୍ବଳନ୍ତ ନିଆଁରେ ପ୍ରଜ୍ବଳିତ ହୁଏ
ଥରହର ଚତୁର୍ଦ୍ଦିଶା ।
ସୂର୍ଯ୍ୟ ଦେବ ଏଠି ସାଜଇ ସମ୍ରାଟ
ସେନାପତି ସାଜେ ଖରା ।
ଖରାର ଖଡ୍ଗରେ ଫାଟି ଆଁ କଲା
ଫାଳ ଫାଳ ହେଲା ଧରା ।
ଡହକ ବିକଳ ଜୀବନ ହୁଅଇ
ଆତ୍ମା ହୁଏ କଳବଳ ।
ପ୍ରଜାକୁଳ ଏଠି ଛଟପଟ ହୁଏ
ସଂଗ୍ରାମ କରେ ପ୍ରବଳ ।
ଖରା ଓ ଧରାର ଭୀଷଣ ଯୁଦ୍ଧରେ
ଜନ କରନ୍ତି ଚିତ୍କାର ।
ଆର୍ତ୍ତ ଚିତ୍କାରରେ ପ୍ରକମ୍ପିତ ହୁଏ
ହୃଦୟ ସମସ୍ତଙ୍କର ।
ଶ୍ରୀ ଡମ୍ବରୁଧର ବାଗ
ଚପ୍ରିଆ, ଗୋଲାମୁଣ୍ଡା, କଳାହାଣ୍ଡି