ମୋବାଇଲ୍
ମୋବାଇଲ୍
ମୋବାଇଲ୍
ରାଜେଶ କୁମାର ଜୈନ୍ (ଶାନ୍ତିରାଜେଶ)
ଯେବେଠୁ ଧରିଛି ମୋବାଇଲ୍
ହଜିଯାଇଛି ଚେହେରାର ସ୍ମାଇଲ୍ ।
ନଧରିବାର ଉପାଧି ବ୍ୟାକ୍ୱାର୍ଡ
ଧରିକରି ସବୁଦିନେ କରୁଛି ୱାର୍ ।
ମ୍ୟାସେଜର ଆଟାକ୍ ହୁଏ ଘନଘନ
ରିପ୍ଲାଇ ଦେବାକୁ ମନ କନକନ ।
ବାଜୁଛି ଘଣ୍ଟି ଅହରହ ଦିନରାତି
ଜଣାପଡୁନାହିଁ ସମୟର ଗତି ।
ମୋବାଇଲରେ ଏବେ ପଶିଛି ନେଟିଂ
ଜୀବନଟା ଲାଗୁଛି ଟୋଟାଲୀ ପଲୁଟିଂ ।
ୱାର୍ଡସପର ନିଶା ଦିନରାତି ଘାରିଛି
କିଏ ମରୁ ବା ବଞ୍ଚୁ ସବୁ ଭୁଲିଯାଇଛି ।
ମୋବାଇଲର ବ୍ୟାଖ୍ୟା ଅତି ଜଟିଳ
ଚାରୋଟି ଅକ୍ଷରେ ଉତ୍ତର ସରଳ :
ମୋ - ଜୀବନର ସବୁଠୁ ବଡ଼ ସ୍ମାଇଲ୍
ହାତରେ ମୋବାଇଲ୍
ନୂତନ ଯୁଗର ସ୍ପନ୍ଦନ ।
ବା - ବାପା ମା’ ଦାଉରୁ ମୁକ୍ତି ।
ଇ - ଇଲୁ ଇଲୁ ପ୍ରେମର ନୂତନ ଭାଷା
କରାଉଛି ଦିନସାରା ଉଠାବସା ।
ଲ - ଲଜ୍ୟା ଆଉ ସରମର ଇତିଶ୍ରୀ
ଯେବେଠୁ ଆସିଛି ମୋବାଇଲ୍ ଫ୍ଲୋ
ଲ୍ୟାଣ୍ଡ ଲାଇନ୍ ପୂରାପୂରି ସ୍ଲୋ ।
ଫ୍ଲୋ ଆଉ ସ୍ଲୋ ଭିତରେ ହେଉଛେ ଘାଣ୍ଟି
ସବୁ ଏବେ ଓଭର୍ଫ୍ଲୋ, ଧରିଛି ତଣ୍ଟି ।
ଫେଣ୍ଟାଫେଣ୍ଟି ଯୁଗ ହୋଇଛି ଷ୍ଟାର୍ଟ
ନିଜେ ନିଜେ ସବୁ ଓଭର୍ସ୍ମାର୍ଟ
ଟଚ୍ କରିଛି ଆମ ହାର୍ଟ ।
ଆଈ ହେଉ ଅବା ଅଜା
ଏହାଠାରୁ ବେଶି ନାହିଁ ମଜା
କହୁଛି ଆଜି ଦେଶର ପ୍ରଜା
ହୃଦୟର ସ୍ପନ୍ଦନ ମୋବାଇଲ୍ ରଜା ।
ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪
ଫୋନ୍ : ୯୪୩୭୦୨୦୬୧୮
*****