Audio

Forum

Read

Contests

Language


Write

Sign in
Wohoo!,
Dear user,
ଖୋଜୁଛି ଚାତକ
ଖୋଜୁଛି ଚାତକ
★★★★★

© Prasanna Kumar Madala

Others

1 Minutes   6.9K    9


Content Ranking

ଏବେ ବି ଏ ମାଟି ପବନରେ ଖାଣ୍ଟି

ମହମହ ହୁଏ ବାସନା

ସାଉଁଟିବା ପାଇଁ କିପାଇଁ ଗୋ ଧାଇଁ

ଏଯାଏଁ ଏଠାକୁ ଆସନା ?

ତୁମକୁ ହରାଇ ଲୋତକ ଝରାଇ

ଜୀବନ ମୋ ବିତି ଯାଉଛି

ତୁମେ ନାହଁ ବୋଲି ଗାଉନାହିଁ ଖୋଲି

ଅଧା ଗୀତେ କଷ୍ଟ ପାଉଛି ।

ପରାଣ ମିତରେ ମୋର ଏ ଗୀତରେ

ଲେଖୁଥାଏ କଥା ତୁମରି

ଏ ଆଖିରେ ସାରା ଶ୍ରାବଣର ଧାରା

ଅତୀତର ସ୍ମୃତି ସୁମରି ।

ବଞ୍ଚି ବି ବଞ୍ଚିନି କିଛି ବି ସଞ୍ଚିନି

ସବୁ ତ ଦେଇଛି ହରାଇ

ବିରହର କାଳ ମରୀଚିକା ମାଳ

ଆଖି ଆଗେ ଗଲ ଝରାଇ ।

ସ୍ଵପ୍ନ ପରିଧିରେ ଘୂରୁଥିଲା ଧୀରେ

ସାଥୀରେ ଏ ପକ୍ଷୀ ଯେଉଁ ରେ

ସୋମର ମଦିରା ପିଇ କି ଅଧୀରା

ଛାଡିଗଲ ଶୋକ ଢେଉରେ ।

ନିରାଶର ବନେ ଆଶା ଭରି ମନେ

ଦେଲ ସବୁଜିମା ସପନ

ଲଗାଇଲ ନିଆଁ ଜାଳିଦେଲ କିଆଁ

ସାଜି ଏ ନିଦାଘ ତପନ ।

କଲି କି ପାତକ ଖୋଜୁଛି ଚାତକ

ପରାୟେ ବରଷା ପରଶ

ଆଜି ଆଉ କିଛି ପାରୁନାହିଁ ଇଚ୍ଛି

ସରିଯାଇଛି ମୋ ହରଷ ।

ପ୍ରସନ୍ନ କୁମାର ମାଦଳା

ମାଟି ପବନ ଶ୍ରାବଣ

Rate the content


Originality
Flow
Language
Cover design

Comments

Post


Some text some message..