Audio

Forum

Read

Contests

Language


Write

Sign in
Wohoo!,
Dear user,
ଯାଅନା ଶ୍ରାବଣ ଫେରି
ଯାଅନା ଶ୍ରାବଣ ଫେରି
★★★★★

© Abhakanta

Romance

1 Minutes   6.7K    3


Content Ranking

ଯାଅନା ଶ୍ରାବଣ ଫେରି

 

ଆଭାକାନ୍ତ ମହାନ୍ତି

 

ଯାଅନା ଶ୍ରାବଣ ଫେରି

              ଯାଅନା ଯାଅନା ଯାଅନା

ଗ୍ରୀଷମ ଶୁଖାଇଦେଲାଣି

ବଧୁଲି ଫଗୁଣ ଓଠରୁ

ବହୁଥିଲା ଯେଉଁ କୁଳୁକୁଳୁ ଛନ୍ଦେ

       ସେଦିନର ହସ ଝରଣା । ୦ ।

 

ମରମର ତାନ ତୁମ ମଧୁଗାନ

ଫିକିଫିକି ଛଟା ତୋଳେ ଶିହରଣ

ମନେ ଦେଖେ ହେଜି ପ୍ରିୟା ତନୁ ଭିଜି

ଉଛୁଳେ ଯୌବନ ବାସେ ଥିଲା ହଜି

ସଇଲା ଫଗୁଣ ମହକ

ଛାଇଲା ବୈଶାଖୀ ଡହକ

ଶ୍ରାବଣ ଗୋ ତୁମ ବାରିଝର

ଲେପିଲା ଚନ୍ଦନ ଦେହେ ମୋର

ତୁମକୁ ପାଇ ଗୋ ଫେରିଆସି ହେଲି

ତୁମରି ସ୍ମୃତିରେ ଆନମନା । ୧ ।

 

ଶ୍ରାବଣ ଫେରନା, ମୋ ମନେ ଭରନା

ବିସ୍ମୃତିର ଗୋଳା ତୀଖ ତଡ଼ପନା

ବାସ୍ତବ ହଜିଛି, ବିଲୟ ଭଜିଛି

ହସି ଆଢୁଆଳ ନେଇଛି ଗୋ ବାଛି

ଘୂରୁଛି ସ୍ମୃତିର ଅଙ୍ଗନେ

ତୁମରି ଆସିବା ଲଗନେ

ହୁଅନା ଶ୍ରାବଣ ନିଦାରୁଣ

ପରଶେ ଉତ୍ସାହ ତୁମେ ଆଣ

ତୁମେ ଚାଲିଗଲେ ବିରହେ ମରିବି

       ସହି କି ପାରିବ କୁହନା । ୨ ।

 

ନୂଆସାହି, ବିଡ଼ାନାସୀ

କଟକ-୭୫୩୦୧୪

ଫୋନ୍-୯୦୪୦୦୦୩୧୦୧

*****

ଯାଅନା ଶ୍ରାବଣ ଫେରି

Rate the content


Originality
Flow
Language
Cover design

Comments

Post

Some text some message..