ଶ୍ରୀରାମ
ଶ୍ରୀରାମ
ଦଶରଥ ସୂତ ମର୍ଯ୍ୟାଦା ପୁରୁଷ
ଶାନ୍ତ ଶିଷ୍ଟ ଭଦ୍ର ସୌମ୍ୟ
ସୀତା ପ୍ରାଣ ଧନ ଜୀବର ଜୀବନ
ତୁମ ଚରଣେ ପ୍ରଣାମ
ହେ କୋଦଣ୍ଡ ଧର କୌଶଲ୍ୟା ନନ୍ଦନ
ରାଜୀବଲୋଚନ ପ୍ରଭୁ
ଦୁଷ୍ଟ ବିନାଶନ ସନ୍ଥ ପାଳନ
କରୁଣାବତାର ବିଭୁ
ତୁମନାମ ସତ୍ୟ ଅହିଁସାର ଦୂତ
ପିତୃଭକ୍ତ ଅଟ ତୁମେ
ପିତା ସତ୍ୟ ପାଳି ବନବାସ ଗଲ
ଅବୋଧ ଅଜ୍ଞାନ ଆମେ
ଭକ୍ତି ଜ୍ଞାନ ଯୋଗ ତୁମଠୁ ଶିଖିବେ
ଏହି କଳି ଯୁଗରେ
ସତ୍ୟ ଜ୍ଞାନ ଧର୍ମ ପ୍ରଚାର କରିଣ
ରହିବେ ସୁଖ ଶାନ୍ତିରେ
ଭାଇଭାଇ ସ୍ନେହ ଶିଖାଇ ଦେଇଛ
ସ୍ନେହ ପ୍ରେମେ ବାନ୍ଧି ହୋଇ
ଭୋଗ ବିଳାସକୁ ତ୍ୟାଗ କରିଛ
ପ୍ରଭୁ ତୁମେ ଭାବଗ୍ରାହୀ
ହନୁମାନ ହୃଦେ ସଦାବିରାଜିଛ
ଭକତ ଜୀବନ ଧନ
ତୁମ ଜନ୍ମଦିନେ ପ୍ରଣାମ କରୁଛି
ପଦତଳେ ଦିଅ ସ୍ଥାନ
ସୁକାନ୍ତି ହୋତା
ତାଳଚେର