ଜିଅନ୍ତା ଶବକୁ କାନ୍ଧେ ବୋହି ଚାଲେ
ଜିଅନ୍ତା ଶବକୁ କାନ୍ଧେ ବୋହି ଚାଲେ
ଜିଅନ୍ତା ଶବକୁ କାନ୍ଧେ ବୋହି ଚାଲେ
ଆଭାକାନ୍ତ ମହାନ୍ତି
ଜିଅନ୍ତା ଶବକୁ କାନ୍ଧେ ବୋହି ଚାଲେ
ଏକାକୀ ବାଟୋଇଟିଏ
ହସକୁ ଲୁଚାଇ ପଥଧାରୁ ଦେଖି
ଯାଉଛନ୍ତି ଯେତେ ଯିଏ । ୦ ।
ବାନ୍ଧେ ବେଦନାକୁ ବ୍ୟାକୁଳ ହୃଦୟ
ବନ୍ଦେ ବିଭୁ ଇଚ୍ଛା ମାନି
ବାକି ଜୀବନ ତ ଜିଇଁବାକୁ ହେବ
ବିଦ୍ରୋହେ ବିଭୋର ହାନି
ଏଇ ତ ଜୀବନ, ଜୁଇ ଗାତ ପାଶେ
ଘାସଟି ଜଳି ବି ଜିଏଁ । ୧ ।
ଉପରରୁ ତଳ, ତଳରୁ ଉପର
ଚକ ସାଥେ ବୁଲେ ପହି
ଏଇ ତ ମଣିଷ, ନିଥର ପଥରେ
ଫୁଲକୁ ପାରେ ସଜେଇ
ଯା' ବିଚାର ଦୃଢ଼ ସେ ପାରଇ ଜିଇଁ
ସାଂସାରିକ ଝଡ଼ ମୁହେଁ । ୨ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****