ପ୍ରେମ
ପ୍ରେମ
ପ୍ରେମ ନୁହେଁ ଭାଇ ଗୁଡି ପଥର ଯେ
କେଉଁଠୁ ଗୋଟେଇ ଆଣିବ
ପ୍ରେମ ଅଟେ ଭାଇ ଶ୍ୱାସତ ସୁନ୍ଦର
ଭାଗ୍ୟରେ ଥିଲେ ହିଁ ମିଳିବ ।
ପ୍ରେମ ନୁହେଁ ଭାଇ ଗଛର ଫଳ ଯେ
ଯେତେବେଳେ ଚାହିଁ ତୋଳିବ
ପ୍ରେମ ଅଟେ ଭାଇ ଅମୂଳମୂଲ
ରଖିପାରିଲେ ହିଁ ରହିବ ।
ପ୍ରେମ ମିଳୁନାହିଁ ବାଟରେ ଘାଟରେ
ଟଙ୍କା ଦେଇ କିଣିପାରିବ
ପ୍ରେମ ଅଟେ ଭାଇ ହୃଦୟର କଥା
ବୁଝିବା ଲୋକହିଁ ବୁଝିବ ।
ପ୍ରେମ ନହେଁ ଭାଇ ପଦାର୍ଥ ଟିଏ ଯେ
ସିନ୍ଧୁକେ ସଜାଇ ରଖିବ
ପ୍ରେମ କୁ ଯିଏ ସମ୍ମାନ କରିବ
ତାହାରି ପାଖରେ ରହିବ ।
ପ୍ରେମ ଖାଲି ନୁହେ ଦୈହିକ ମିଳନ
ପ୍ରେମ ରୂପ ଅଟେ ଅନେକ
ବାପା ମାଆ ଭାଇ ବନ୍ଧୁ ସହୋଦର
ପ୍ରେମ ର ଅଟଇ ମହକ ।
ପ୍ରେମରେ ଚାଲିଛି ଏଇ ଦୁନିଆଟା
ପ୍ରେମରେ ଚାଲିଛି ସଂସାର
ପ୍ରେମ ବିନା ଭାଇ ଏ ଦୁନିଆରେ
ଜନମ ହେବାଟା ବେକାର ।
ପ୍ରେମ ର ଅର୍ଥକୁ ଅନ୍ତର ରେ ବୁଝି
ପ୍ରେମକୁ ସମ୍ମାନ କରିବ
ପ୍ରେମକୁ ଅତିନିଜର କରି
ସୁନାର ସଂସାର ଗଢ଼ିବ ।