ଜୀବନ ର ସ୍ଵପ୍ନ
ଜୀବନ ର ସ୍ଵପ୍ନ
1 min
363
ଜୀବନଟା ହୁଅନ୍ତା କି ଭଅଁରଟିଏ
ଗୁଣୁଗୁଣୁ ଶବ୍ଦରେ ମଧୁରତା ଭରି
କାନକୁ ତା ଗୁଞ୍ଜରଣେ ଅସ୍ଥିର କରାଇ
ଉଦ୍ୟାନ କଢିର ଚାରିପାଖେ ଘୂରି
ତା ମଧ୍ୟରୁ ପୁଷ୍ପରେଣୁକୁ ମୁଁ ସଂଗ୍ରହ କରନ୍ତି
ଜୀବନଟା ହୁଅନ୍ତା କି ରକ୍ତ ବର୍ଣ୍ଣ ଗୋଲାପ କଳିକାଟିଏ
ରୂପରଙ୍ଗ ସୁବାସରେ ମୋ ଦୁନିଆ ହସାଇ
ମନକୁ ତା ମହକରେ ଭରି
ଆଖିରେ ମୋ ଅର୍ଥ ପୂର୍ଣ୍ଣ ଚାହାଣୀ ଫୁଟାଇ
ବଗିଚାର କେଉଁ ଏକ ନିଭୃତ କୋଣରେ
ଦେଖୁ ଥାଆନ୍ତି ପ୍ରକୃତିର ରୂପକୁ ନିରେଖି ନିରେଖି
ଜୀବନଟା ହୁଅନ୍ତା କି ଗୋଟିଏ ସପନ
ଆଖିରେ ମୋ ଚଞ୍ଚଳତା ଭରି
ମନକୁ ମୋ କଲ୍ପନାରେ ଧୋଇ
ହୃଦୟରେ ପ୍ରୀତିର ପସରା ନେଇ
ଉଡି ଯାଆନ୍ତି ସୀମାହୀନ ଗଗନ ପଥରେ
ଭେଟିବାକୁ ମୋ ମନର ପ୍ରିୟ ବସ୍ତୁଟିକୁ