Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Umasankar Sahu

Fantasy Others

3  

Umasankar Sahu

Fantasy Others

ପାହାଡ଼ି କନ୍ୟା

ପାହାଡ଼ି କନ୍ୟା

1 min
218


ଗଜ ଗାମିନୀ ପାଦ ପରଶେ ଲକ୍ଷେ ପଦ୍ମ ଫୁଟେ,

ଚହଲିଗଲେ କୁଆଁରୀ ମନ ଆକାଶେ ମେଘ ଘୋଟେ ।

ଆଖିରେ ତୋର କଜ୍ଜଳ ଗାର ମନକୁ ନିଏ କିଣି,

ଓଠରୁ ଅବା ମୁକ୍ତା ଝରେ ସୂର୍ଯ୍ୟ ଆଭା ଜିଣି ।

ମୁଖମଣ୍ଡଳୁ ଝଲସିଉଠେ କୋଟିଫଗୁଣ ରଙ୍ଗ,

ମୌସୁମୀ ପ୍ରାୟେ ରେଶମୀ ସ୍ପର୍ଶ ଭିଜାଇ ଦିଏ ଅଙ୍ଗ ।

ମନ୍ଦମନ୍ଦ ବୃଷ୍ଟି ଅବା ମୁରୁକି ହସ ତୁମ,

ସଂଚାରି ଦିଏ ଅମୀୟ ରେଣୁ ସଂଜୀବନି ପ୍ରେମ ।

ସୁଗନ୍ଧେ ତୁ ପୁଷ୍ପରାଜ ସ୍ୱର୍ଣ୍ଣ ଚମ୍ପା ଯେହ୍ନେ,

ନିଷ୍କପଟି ଦୁଇ ନୟନ ହୃଦୟ ମୋର ଜିଣେ ।

ରୂପରେ ତୋର ସରିକି ହେବ କାଉଁରୀ ଜେମାମଣି,

ନିଷ୍କଳଙ୍କ ହୃଦୟ ତୋର ପାବନୀ ମନ୍ଦାକିନୀ ।

ଗ୍ରୀଷ୍ମ ପ୍ରାୟେ ଉଷ୍ଣ ଶ୍ୱାସେ ଶିହରି ଉଠେ ପ୍ରାଣ,

ମଳୟ ସମ ମର୍ମଛୁଏଁ, ତୋ'କୋମଳ ଆଲିଙ୍ଗନ ।

ବସନ୍ତର ବାସ୍ନା ମୋହେ ତିକ୍ତ ବନରାଜି,

ପାହାଡିକନ୍ୟା ଗାଉଛି ଅବା ପ୍ରେମର ଗୀତ ଆଜି ।


Rate this content
Log in