Audio

Forum

Read

Contests

Language


Write

Sign in
Wohoo!,
Dear user,
ସାଙ୍ଗସାଥି ଭାବ ଅତ୍ୟନ୍ତ ନିବିଡ଼
ସାଙ୍ଗସାଥି ଭାବ ଅତ୍ୟନ୍ତ ନିବିଡ଼
★★★★★

© Pranati Mahapatra

Others

1 Minutes   6.5K    2


Content Ranking

ସାଙ୍ଗସାଥି ଭାବ ଅତ୍ୟନ୍ତ ନିବିଡ଼

       ଯେ ବାନ୍ଧେ ସେ ଜାଣେ ଭାବ,

ଧନ ଦଉଲତ ଆଗେ ତଉଲିଲେ

        ଉଣା ନିଶ୍ଚିତ ହୋଇବ ।

ସାଙ୍ଗସାଥି ମେଳେ କଟିଯାଏ ଦିନ

    ପଡେ ନାହିଁ କେବେ ଜଣା,

ହିଂସା ଦ୍ଵେଷ ଭୁଲି ସ୍ନେହର ବନ୍ଧନେ

   ବନ୍ଧୁ ଭାବେ ହେଉ ଗଣା ।

ସାଥିର ବିପଦ ଆପଦରେ ସଦା

   ପାଖେ ଯାଇ ହେଉ ଉଭା,

ଉଭା ହୋଇଗଲେ ବନ୍ଧୁ ନିକଟରେ

         ଲାଗେ ତାଙ୍କୁ ସୂର୍ଯ୍ୟ ପ୍ରଭା ।

ପିଲାବେଳ ସାଥୀ ଭାରି ମନଲୋଭା

     ଛନ୍ଦକପଟ ବିହୀନ,

ହସି, ଖେଳି,ଗାଇ ,ନାଚି ବିତିଯାଏ

   ଅଭୁଲା ସେ ପିଲାଦିନ ।

ଏବେ ନାହିଁ ଆଉ ସେହି ପିଲାବେଳ

  ବୁଡୁ ସଂସାର ମଧ୍ୟରେ,

କର୍ମ ସନ୍ଧାନରେ ଯେ ଯୁଆଡେ ଯାନ୍ତି

   ରହନ୍ତି ତ କେତେ ଦୂରେ।

ଆସନ୍ତା କି ଫେରି ପୁଣି ପିଲାଦିନ

   ପୁଣି ସେହି ଧୂଳିଖେଳ,

ବିତନ୍ତା ସେମିତି ଦିବସ ରଜନୀ

   ନ ଥାନ୍ତା ଘୋର ଜଞ୍ଜାଳ ।

  *ପ୍ରଣତି ମହାପାତ୍ର*

    *ବାଲେଶ୍ୱର*

ସାଙ୍ଗସାଥି ନିବିଡ଼ ଭାବ

Rate the content


Originality
Flow
Language
Cover design

Comments

Post


Some text some message..