ହେଉ ଜାଗରଣ
ହେଉ ଜାଗରଣ
(ଶ୍ରୀମତୀ ଜ୍ୟୋତ୍ସ୍ନା ପୃଷ୍ଟି ,ସୌଭାଗ୍ୟନଗର ,ୟୁନିଟ-୮ଭୁବନେଶ୍ବର)
ଉଠ ହେ ଉତ୍କଳ !! ଜାଗୁ ଜାଗରଣ ,
ଭାଷା ବୃକ୍ଷ ଯାଉ ବଂଚି ।
ପ୍ରତିଷ୍ଠା ପ୍ରତିଜ୍ଞା ଭୂଲି ଯିବା ନାହିଁ ,
ସଂଜୀବନି ଦିଅ ସିଞ୍ଚି ।।
ଜୟ ଜଗନ୍ନାଥ ଜୟ ଜନନୀ ,
ଜୟ ହିନ୍ଦ ରେ ବିତି ।
ଏ ମାଟି କୁହଇ ଆମରି ଭାବନା ,
ଲେଖିବାକୁ ନାହିଁ ଇତି ।।
ଭାବନା ବନ୍ଧ ରେ ସୁରୁଜ ଉଆଁଇ ,
ଲେଖି ଯାଅ ଶୁଭ ଗୀତି ।
ତୋଳି ଆଣ ଦିବ୍ୟ ସୁଶୋଭିତ ଜ୍ୟୋତ୍ସ୍ନା ,
ରେଣୁ ସୂତ୍ରେ ଗୁନ୍ଥା ମୋତି ।।
ସମୟେ ସମୟ ଦେଉଛି ଡାକରା ,
ଜାଗ ଦୂରୁବଳ ଜାତି ।
ବିଞ୍ଚାଇ ବିଶ୍ଵାସ ନିଶ୍ଵାସ ପ୍ରାଙ୍ଗଣେ ,
ସୃଷ୍ଟି ସଂରକ୍ଷଣେ ମାତି ।।
ରଖିବାକୁ ହେବ ମାନବିକ ମୂଲ୍ୟ ,
ନିୟମ ରେ ଦେଇ ଗତି ।
ଜୀଵ ଜଗତର ମଙ୍ଗଳ ମନାସୀ ,
ଏ ଜୀବନୁ ପାଏ ମୁକ୍ତି।।