Audio

Forum

Read

Contests

Language


Write

Sign in
Wohoo!,
Dear user,
କୁନ୍ଦୁଲି ପୀଡିତାର ଆତ୍ମାକୁ ବୋଧ
କୁନ୍ଦୁଲି ପୀଡିତାର ଆତ୍ମାକୁ ବୋଧ
★★★★★

© BISWESWAR MAJHI

Tragedy

1 Minutes   13.7K    7


Content Ranking

ଜବାବ ଖୋଜୁଛି କୁନ୍ଦୁଲି ପୀଡିତା ଛୋଟ ଝିଅଟିଏ ମୁହିଁ

ଗୁହାରି କଲି ମୁଁ ଛାଡିଦିଅ ତୁମ ମା ଭଉଣୀ କି ନାହିଁ !

ସର୍କାର ଦେଉନି ସୁରକ୍ଷା କାହିଁକି କଲି ମୁହିଁ ଆତ୍ମହତ୍ୟା

ବିରୋଧୀ କହନ୍ତି ନିଜେ ସରକାର କରିଛି ତାହାକୁ ହତ୍ୟା ।

କମିଶନ ବସେ ଦିନ ଗଡିଯାଏ କମେ ନାହିଁ ଉତ୍ପୀଡନ

ନଦୀରେ ହଜାଇ ସରରେ ଖୋଜିଲେ ମିଳିବ କି ସମାଧାନ !

ଧନ ମଦ କ୍ଷମତାର ମଦ ପୁଣି ମଦିରା ପାନର ମଦ

ଦ୍ରୌପଦୀକୁ ଯିଏ ବିବସନା କଲା ବିବେକ ଶୁଂଘାଇ ଗଦ ।

ସୀତା ହରଣ ବି ରାବଣ କରିଲା ଗର୍ବେ ମଦମତ୍ତ ହୋଇ

ଛବିରାଣୀ ଠାରୁ ଅଂଜନା ଈତିଶ୍ରୀ ନିର୍ଭୟା ସୁଶ୍ମିତା ରାଇ ।

ଶିକ୍ଷକ କରୁଛି ଛାତ୍ରୀ ଉତ୍ପୀଡନ ହାକିମ ଅଧସ୍ତନକୁ

ଗୃହସ୍ୱାମୀ କରେ ସେବିକା ପୀଡନ ଗାରିମା ଦେଖାଇବାକୁ ।

ବାବାମାନେ ଯଦି କୁକର୍ମ କରିବେ ଅନୁଷ୍ଠାନରେ କଳଙ୍କ

ସମାଜ ବ୍ୟବସ୍ଥା ବିଗିଡି ଗଲାଣି ଲାଗି ଗଲାଣି ବା ଜଙ୍କ ।

ମଦିରା ରାକ୍ଷସ ମୂଳମନ୍ତ୍ର ସବୁ କୁକର୍ମର ଅଟେ ମୂଳ

ମୂଳ ଉତ୍ପାଟନ ନ କରି ଖୋଜିବା ପତ୍ର ଫୁଲ ଫଳ ଡାଳ !

ଶପଥ କରିବା ମଦ ରାକ୍ଷସକୁ ନଗ୍ନତା ବିରୋଧ କରି

ଅସଂଯମ ଆଚରଣ ସମାଜରେ ବିରୋଧଟି ଥାଉ ଜାରି ।

ଝିଅମାନେ ଅତ୍ମରକ୍ଷା ପାରଂଗମ ହୁଅନ୍ତୁ ନ କରି ଡେରି

ଆଶାବାଦୀ ହେବା ରାମରାଜ୍ୟ ଆସୁ ରାବଣ ସଂହାର କରି ।

ଉତ୍ପୀଡନ ସମାଧାନ ମଦିରା ବିରୋଧ

Rate the content


Originality
Flow
Language
Cover design

Comments

Post


Some text some message..