ମା'ର ସ୍ନେହ
ମା'ର ସ୍ନେହ
ମା'ହାତୀ ଚାଲେ କାନ ହଲେଇ
ଶାବକଟିକୁ ବୋକ ଦେଇ ଦେଇ।
ପାଖେ ରଖି ଯତ୍ନେ ଆଗକୁ ବଢେ
ଚତୁର୍ଦ୍ଦିଗେ ମା'ର ନଜର ପଡେ।
ଆଖପାଖ ଗଛୁ କଅଁଳ ଡାଳ
ଭାଙ୍ଗିଆଣି ଦିଏ ଛୁଆକୁ ତା'ର।
ନଦୀର ଧାରରେ ଛୁଆକୁ ଶୋଇ
ସରୁବାଲି ଘସେ ଦେହରେ ନେଇ।
କଦଳୀ ଦି ଫେଣା ପାଇଛି ଆଜି
ପିଲା ପାଇଁ ତା'ର ରଖିଛି ହେଜି।
ପାଖରେ ବସାଇ ଦେଲା ଖୁଆଇ
ଚମକିଲା ସାମନାକୁ ଅନାଇ।
ଶିକାରୀ ଦୁଇଟି ଧରି ବନ୍ଧୁକ
ବାନ୍ଧି ନେବାପାଇଁ ଥିଲେ ଉଦ୍ୟତ।
ବିକଟାଳ ରଡି ମାଆ ଛାଡିଲା
ପଶୁଙ୍କର ସୈନ୍ୟ ମାଡି ଆସିଲା।
ଘଉଡାଇ ଦେଲେ ଶିକାରୀ ଗଣେ
ନିର୍ଭୟେ ରହିଲେ ନିଜର ବଣେ।
ମିନାକ୍ଷୀ ସାମଲ