ଆଗନ୍ତୁକ
ଆଗନ୍ତୁକ
#ଆଗନ୍ତୁକ------***
କେତେଥର
ଏମିତି
କେତେଥର
ତୁ କହିଛୁ
ବଳକା ଜୀବନ ଯେତେ ବାକି ଅଛି
ଚାଲିଥିବି ହୋଇ
ତୁମ
ସହଚାରିଣୀ,
ଏ କଣ ?
ଅଧା ରାସ୍ତାରେ ଯେ ଛାଡ଼ିଦେଲୁ ମୋ ହାତ
ପୁଣି
ପଡ଼ିଗଲୁ ଝୁଣ୍ଟି
ଉଠ !
ଦେଖ,
ତୋ କହୁଣୀ ଓ ଆଣ୍ଠୁ ଦ୍ବୟ
ଯେ ଲହୁ ଲୁହାଣ ,
କହିଦେଲୁ
ଥାଉ ଏତିକି ବାସ
ଏତିକି ଥାଉ
ଆଉ
ପାରିବି ନାହିଁ ଚାଲି
ମିଶି
ତୁମ ସହ,
କଣ ?
ଭାବୁଛୁ ତୁ ମତେ
ଜଣେ
ଭୀରୁ,କାପୁରୁଷ, କରିଦେବି
ଆତ୍ମତ୍ୟାଗ କେବେ ତୋ ଲାଗି,
ନା କଦାପି ନୁହେଁ ,
ତୋ ନିର୍ବାସନ
କଦାପି କେବେ ବନି ପାରିବ ନାହିଁ
ଆଙ୍କୁଶ
ମୋ ଚଲା ପଥେ ,
ମୁଁ ଚାଲୁ ଥିବି
ସେମିତି ନିର୍ବିକାର ହୋଇ ମୋ ଚଳାପଥେ
ଏକାକୀ ହେଉ
ପଛେ
ଯେମିତି ଚାଲେ ଆକାଶେ ଜହ୍ନ ଓ ସୂର୍ଯ୍ୟ
କ୍ରମବିଚ୍ୟୁତ ନ ହୋଇ
ନିତି ପ୍ରତିଦିନ ,
ଚାଲିବି, ଚାଲିଥିବି ଆଜନ୍ମ, ଜନ୍ମାନ୍ତର ପର୍ଯ୍ୟନ୍ତ,
ଆଉ
କେତେ ଦିନ ,
ହଁ ! ଆଉ କେତେଦିନ
ବାକି ଅଛି ଯେ
ଏ ଜୀବନର ପଡ଼ିବାକୁ ପୂର୍ଣ୍ଣଛେଦ,
ଇତି,
ପ୍ରେମରେ ପ୍ରୀତିମୈନା
ତୋ ସବୁଦିନର
ଇତିକଥା ଲେଖି
ଚିରି
ଫୋପାଡୁଥିବା
ଏକ ତରଫା ଚାଲୁଥିବା ଅପ୍ରତ୍ୟାଶିତ,
ଆଗନ୍ତୁକ-----------!