ବାପାଙ୍କ ଛାତି
ବାପାଙ୍କ ଛାତି
1 min
114
ସେ ତ ଛାତି ନୁହଁ
ମୋ ପାଇଁ ଅନନ୍ତ ଆକାଶ
ଯେଉଁଠି ମୁଁ ଖୋଜୁଥିବା
ସବୁ ଗ୍ରହ, ନକ୍ଷତ୍ର
ଆଉ ତାରକାଙ୍କ ମେଳ ।
ସେଠି ହୁଏନା କେବେ
ଋତୁ ପରିବର୍ତ୍ତନ
ଝରେନା ଝରା ଶ୍ରାବଣ
ଆସେନା ଗ୍ରୀଷ୍ମ
କି ଖସେନା କାକର ।
ସେଠି ସବୁ କିଛି ତ
ମୋ ଆକାଂକ୍ଷିତ
ଚାହିଁଲେ ସପ୍ତ ରଙ୍ଗ ନେଇ
ଆସେ ଇନ୍ଦ୍ରଧନୁ
ପୁଣି ଇଚ୍ଛା କଲେ ଗ୍ରୀଷ୍ମରେ ବି
ଲେଉଟେ ମଳୟ ।
ସତରେ ସେ ତ ଛାତି ନୁହଁ
ମୋ ଆକାଂକ୍ଷିତ କ୍ଷୁଦ୍ର ପୃଥିବୀର
ସେ ହିଁ ତ
ସୁରକ୍ଷାର ଅଭେଦ୍ୟ ବଳୟ ।