ଶିକ୍ଷା ସହ ଧନଦୌଲତ ତୁଲ ହୋଇବ ନାହିଁ

ଶିକ୍ଷା ବିନା ମାନବ

ଚକ୍ଷୁ ଥାଇ ଅନ୍ଧ ହୁଏ

ଶିକ୍ଷା ବିନା ସୁନ୍ଦରତା

ଫିକାପଡି ଯାଇଥାଏ ||

ଶିକ୍ଷା ସହ ଧନଦୌଲତ

ତୁଲ ହୋଇବ ନାହିଁ

ଏହା ବ୍ୟତିରକେ ସବୁ

ଅନ୍ଧାର ସମ ହୋଇ ||

ଧନ କ୍ଷଣସ୍ଥାୟୀ ଅଟେ

ଆଜି ଅଛି କାଲିକି ନାହିଁ

ଜ୍ଞାନ ତୋର ପାଶେ ଥିଲେ

ଦେଶ ବିଦେଶ ଭ୍ରମିବୁତୁହି||

ଧନ ଓ ଶିକ୍ଷା ଯଦି ଦୁଇଟିବନ୍ଧୁ

ଧନ ଦ୍ୱାରା ଶିକ୍ଷା ପ୍ରାପ୍ତ ହୁଏନା

ଶିକ୍ଷା ଧନ ଉପାର୍ଜନର ମାର୍ଗ ଅଟେ

ମନରେରଖିଥା ଏହି ଭାବନା||

ଶିକ୍ଷା ବୌଦ୍ଧିକ ବିକାଶକରି

ମନେ ନୈତିକତା ଭରିଦିଏ

ତାକୁ ଯିଏ ନିର୍ଦ୍ବନ୍ଦରେ ପାଇଛି

ସଦା ତାକୁ ଝୁରୁଥାଏ||

ଥୁଣ୍ଟା ବରଗଛ ପରି

ନିରକ୍ଷର ବୋଲାଇ ଥାଏ

ଶିକ୍ଷା ଡାଳପତ୍ର ତାକୁ

ସଦା ସବୁଜିମା କରିଥାଏ ||

ଶିକ୍ଷା ନଥିଲେ ମାନବ ଜୀବନ

ହୋଇଥାଏ ମରୁଭୂମି ସମ

ଜଳ ପ୍ରପାତର ଧାରା ହୋଇ

ଶିକ୍ଷା କରିଥାଏ ଜଳ ମଗ୍ନ ||

ପଳାସ ଫୁଲ ସମ ଅଜ୍ଞାନୀ

ଶରୀରେ ସୁନ୍ଦରତା ଭରି ଥାଏ

ଜ୍ଞାନୀ ମଣିଷ ଅଟେ ବଣମଲ୍ଲୀ

ଚତୁଃର୍ଦିଗବାସ୍ନା ବିଛୁରିତ କରିଥାଏ||