Audio

Forum

Read

Contests

Language


Write

Sign in
Wohoo!,
Dear user,
ଉଡାଣ
ଉଡାଣ
★★★★★

© Bhakta Malla

Inspirational

1 Minutes   6.7K    3


Content Ranking


କାମନାର ହଳାହଳ ବିଷ ପିଇ

ସାଜିଛି ମୁଁ ନିର୍ବାଣର ନୀଳକଣ୍ଠ ,

ତଥାପି ମୋ ଅଭ୍ୟନ୍ତରେ

ଅନ୍ତ ନ ଥିବା ଅନ୍ତରରେ

ଅପ୍ରର୍ଯ୍ୟାପ୍ତ ସାଗରର ଶୋଷ ।

କାହିଁକି ଉଜାଡିଥାନ୍ତି -

ଉପଭୋଗ୍ୟ ଉଲ୍ଲାସର

ଉଦ୍ଭାସିତ ଜୀବନ ମଧ୍ୟାହ୍ନ

ଅୟସର ମୁଗ୍ଧ ଫୁଲବନ ,

ଉଦବିଗ୍ନ ରେ କାଟିଥାନ୍ତି

ମୋ ଦିନ ---

ଫେନ୍ ନିଭ ଉତ୍ତାଳ ଯୌବନ !!

ମୋ ଆଖିରେ ମେଞ୍ଚାଏ ସ୍ବପ୍ନ

ସୀମାହୀନ ଆକାଶର

ଉଦ୍ଦୀପିତ ତାରାପୁଞ୍ଜ

ଅନାକାଂକ୍ଷିତ ଅନନ୍ତ ଉଡାଣ ,

ଲକ୍ଷ୍ୟ ହୀନ ଚଲାପଥେ ମୋର

ଅସମାହିତ ଆଗ୍ନେୟର

କ୍ଷିପ୍ର ଉଦଗୀରଣ ।।


ମୁଁ କି ' ମୋ ପ୍ରେମକୁ ବଂଧା ଦେଇ

ଫେରିଥାନ୍ତି ଶ୍ରମଣର ପର୍ଣ୍ଣକୁଟୀରରୁ

ବ୍ୟଥାତୁର ବିମର୍ଷିତ

ନିଃସ୍ବ ଏକ ବିଧୁର ଜୀବନ !!

କାମନାର ବିନାଶରେ

ଦୁଃଖ ଘୁଞ୍ଚି ପାରେ

ଉଇଁ ପାରେ ନିର୍ବାଣର ସୂର୍ଯ୍ୟ

ସେ ନିର୍ବାଣ ଲୋଡା ନାହିଁ ମୋର

ହୋଇଥାଉ ଯେତେ ଆକାଂକ୍ଷିତ ,

ଉଡାଣ ମୋ କାମନାର ବ୍ୟାପ୍ତି

ବୈରାଗ୍ୟ ମୋ ଛାତି ତଳ ପାପ ।।



ଭକ୍ତ ଚରଣ ମଲ୍ଲ

ନେମ୍ବରା, କେନ୍ଦ୍ରାପଡା 

ଉଡାଣ ଜୀବନ ପ୍ରେମ

Rate the content


Originality
Flow
Language
Cover design

Comments

Post


Some text some message..