ଅନୁରୋଧ
ଅନୁରୋଧ
1 min
6.6K
ସତ୍ୟରେ ମୋତେ ନିଅ ବା ନ ନିଅ
ଅସତ୍ୟରେ ନିଅ ନାହିଁ,
ଧର୍ମରେ ମୋତେ ରଖ ବା ନ ରଖ
ଅଧର୍ମରେ ରଖ ନାହିଁ ।।
ହେଉ ବା ନ ହେଉ ମଥା ପରେ ମୋର
ତୁମ କରୁଣାର ବର୍ଷା,
ଦିଅ ନାହିଁ ଭରି - ହୃଦୟରେ ମୋର
ଭୟ, ବ୍ୟାକୁଳତା ଈର୍ଷା,
ସାହସ ଶକତି ଦିଅ ବା ନ ଦିଅ
କାତରତା ଦିଅ ନାହିଁ ।
ନ ଦେଲେ ନ ଦିଅ ସୁଖର ପରଶ
ସନ୍ତାପିତ ପ୍ରାଣେ ମୋର
ନିଭାଇ ଦିଅନା - ନାଲି ଅଧରରୁ
ଚେନାଏ ହସର ଗାର
ରାଗ - ଅନୁରାଗ ଦିଅ ବା ନ ଦିଅ
କଠୋରତା ଦିଅ ନାହିଁ ।
କର ବା ନ କର ଜୀବନ ପୁଷ୍ପକୁ
ମଧୁମିତ ସୁରଭିତ
କର ନାହିଁ କେବେ ଜୀବନ ସଂଧ୍ୟାକୁ
ଅବସାଦେ ଜର୍ଜରିତ ।
ଞାନର ପ୍ରଦୀପ ଜାଳ ବା ନ ଜାଳ
ଅଞାନ ଅନ୍ଧାର ଲୋଡା ନାହିଁ ।
ଶ୍ରଦ୍ଧା ର ସହ
ଭକ୍ତ ଚରଣ ମଲ୍ଲ ।